Қидирув

от 1. Қисм, хона ва шу кабиларга ажратилган нарсаларнинг ҳар бир қисми, хонаси; бўлмаси.

Бинонинг бўлимлари. Кеманинг бўлимлари.

2. Идора ва турли ишхоналарнинг маълум иш билан шуғулланадиган ҳар бир қисми; муайян идорага қарашли қуйи идора, шўба.

Вазирликнинг кадрлар бўлими. Институтнинг бўлимлари. Шаҳар молия бўлими.

Вакилларнинг унча катта бўлмаган аппаратида озиқ-овқат, молия ва маъмурий бўлимлар бор. — Ш. Холмирзаев, Сўнмас ўт

Маориф бўлимида иш қизғин эди. — П. Турсун, Ўқитувчи

Маҳвашнинг отаси — раён молия бўлимининг мудири. — Т. Ашуров, Оқ от

Нусратбек алоқа бўлимига икки-уч марта бориб, уйи билан гаплаша олмади. — С. Нуров, Майсаларни аёз урмайди

3. Магазин, музей, омбор ва шу кабиларнинг бир турдаги нарсалар тўпланган (қўйилган) ҳар бир қисми.

Магазиннинг поябзал бўлими. Музейнинг қадимги дунё бўлими.

Магазинда ҳозир ўн бешта бўлим ишлаб турибди. — Газетадан

Вақт ўтказмай, [магазиндан] ўзингизга керакли бўлимда бир зумда ишингизни битириб чиқасиз. — Газетадан

4. Илмий иш ёки бадиий асарнинг, даврий нашрлар ва тўпламларнинг ҳар бир мустақил қисми.

Диссертация беш бўлимдан иборат. Романнинг учинчи бўлими. Журналнинг библиография бўлими. Газетанинг эълонлар бўлими.

Бирор абзасга келиб, сўнгра қараса керак, деб ўйладим. Ёʻқ, бир неча бет ва ҳатто катта бир бўлимдан ҳам ўтиб кетди, қарамади. — Ойдин, Уялди шекилли, ерга қаради

Студентлик чоғларимда редаксиялардан бирига шеър олиб бордим. Бўлимдагиларга маъқул бўлиб, олиб қолишди. — Шукрулло, Жавоҳирлар сандиғи

5. Ўлчов асбобларининг кўрсаткичлари оралиғи.

Термометр бўлимлари.

сфт. 1. Бўлали, бўлиқ, дуркун, етилган.

Беклар, қадимнинг бўлиши йигити деб, унинг [Тўғонбекнинг] елкасини қоқдилар. — Ойбек, Навоий

2. Ишнинг кўзини биладиган, ишбилармон.

Ёш бўлса ҳам, ўзи бўлимлигина, қизларга бошроқ. — Юсуф ва Аҳмад

от Бўлим ичидаги, таркибидаги кичик бўлим; шўбача.

Идоранинг бўлим ва бўлимчалари. Диссертациянинг бўлим ва бўлимчалари.

сфт. кам қўлл. айн. Ландавур.

— Аканг жуда тентак, жуда бўлимсиз йигит,— деди ниҳоят пўнғиллаб бой. — Ойбек, Танланган асарлар

Бўлишли феълқозоқчаBolımdı etistikтуркманчаTäsirini geçirýän işlikрусчаУтвердительная форма глагола

Бўлишли шаклқозоқчаBolımdı formaтуркманчаMälim şekilрусчаПоложительная форма

Бўлишсиз феълқозоқчаBolımsız etistikтуркманчаTäsirini geçirmeýän işlikрусчаОтрицательный глагол

Бўлишсиз шаклқозоқчаBolımsız formaтуркманчаNämälim şekilрусчаОтрицательная

Бўлишсизлик қўшимчасиқозоқчаБолымсыздық қосымшасытуркманчаYokluk goşulmasyрусчаОтрицательный аффикс

Бўлишсизлик олмошлариқозоқчаБолымсыздық есімдіктуркманчаNämälim çalyşmalarрусчаОтрицательные местоимения

Бўлишли-бўлишсизлик категориясиқозоқчаBolımdılık-bolımsızdık kategoriyasıтуркманчаIşligiň mälimlik we nämälimlik kategoriýasyрусчаКатегория положительности-отрицательности

сфт. кт. Балоғатга, вояга етган; етук.

Оқил ва болиғ бўлганингиз ҳолда, бу хайрли мажлисда ҳозир бўлган сиз, йигит, шу мажлисда ҳозир бўлиб турган шу қизни хотинликка қабул қиласизми? — С. Айний, Эсдаликлар

сфт. 1. Яхши ўсган, дуркун; тўлишган; тўла, семиз.

Лаълининг бўлиқ гавдаси унга икки-уч ёш улуғворлик қўшиб турар, яқинда мактабни битирган қизга ўхшамас-ди. — Д. Нурий, Осмон устуни

Тез-тез нафас олганида, бўлиқ кўкраклари кўтарилиб-кўтарилиб тушади. — Т. Ашуров, Оқ от

Бу париваш жиякли қизил атлас лозими ял-ял ёниб, бўлиқ болдирини қучоқлаб турган, ўзи алвон турли гулларни суғориб юрган Шаҳзодахон эди. — К. Яшин, Ҳамза

Шарофат хола қуртхонага кириб, сўкчакдаги вишиллаб барг еб ётган бўлиқ қуртларни кўриб, ҳанг-манг бўлиб қолди. — Ғайратий, Довдираш

2. Бўрсилдоқ, кўпчиб турган, бўз.

Биров бўлиқ ерга омоч соляпти, бирови ёш-ёш ўғилларини ёнига олиб, ариқ ковлаб, юқорига тупроқ отади. — Х. Тўхтабоев, Йиллар ва ёʻллар

Бўлиқ тупроқ бағрини ёриб, нозик-яшил майса уйғонди. — Саодат

аллақаёқда бўғиққан момақалдироқ гулдураб, беозоргина ёмғир савалаб ўтди, бўлиқ тупроқ ҳиди анқиди. — А. Мухтор, Чинор

3. Яхши ривожланган, баравж; тиқмачоқ,

Буғдой шундай ўсиқ ва бўлиқ эдики, бу масофадаги пастқам тепаликлар, сойликлар билинмасди. — О. Ёқубов, Эр бошига иш тушса

Қовунлар бўлиқ палак орасидан мўралаб, мени уз деяётгандек. — Газетадан

Пахтакорларимиз асосий эътиборни бўлиқ кўсак тўплашга қаратдилар. — Газетадан

Ғўзанинг шохларида маржондек тизилган бўлиқ, семиз кўсаклар гўё чимматларини очиб, жамолини кўз-кўз қилаётган гўзал қизларга ўхшайди. — Н. Сафаров, Оловли излар

4. Мўл, баракали (ҳосил ҳақида).

Бўлиқ ҳосил билан сахий куз келди. — Э. Раҳим, Янги қадам

Ўз вақтида, хатонинг олдини олиб берилган ишлов ғўзаларнинг бўлиқ ҳосилга киришига ёрдам берди. — Ж. Абдуллахонов, Тўйга келинглар

от 1. Ўтмишда Россия ва унга тобе ҳудудларда уезд таркибидаги бир қанча қишлоқни ўз ичига олган маъмурий бўлинма.—

Минг-боши, — деди у [ҳоким] —Бўлисингда ишга чиқмайдиган битта ҳам одам бўлмаслиги керак! — М. Исмоилий, Фарғона тонг отгунча

Андижон атрофидаги Қўқонқишлоқ бўлисида рўй берган воқеа маъмурларни ғоят таҳликага солиб қўйди. — Фан ва турмуш

Бўлис маҳкамасининг кенг ойна равонли ёруғ хонасида гоҳ туриб, гоҳ ўтириб, тинмай ўй суряпти. — Х. Тўхтабоев, Йиллар ва ёʻллар

2. Шундай маъмурий-ҳудудий бўлинма ҳокими.

Бўлисимиз Раззоқвойнинг қоғози билан кеча шаҳарга тушиб, китоб, дафтар, қоғоз, қалам, яна аллақанча дов-даскак олдим. — Ҳ. Ғулом, Машъал

от 1. айн. Ёстиқ.

Ҳар бир айвоннинг токчасида беҳисоб бахмал, ипак кўрпачалар, болишлар. — Ж. Шарипов, Хоразм

Мамат қассоб болиш четини маҳкам чангаллаган кўйи ўғлига қаттиқ тикилиб қолди. — Ёшлик

Ўтган куни Бобур ўзига келди, болишга суяниб, бир оз бошини кўтарди. — Ҳ. Ҳасанов, Экватордан ўтганда

2. Диваннинг суянишга мўлжалланган болиш шаклидаги суянчиғи.

Акбаров қаддини ростлаб, диваннинг болишига билагини қўйди. — П. Қодиров, Уч илдиз

Диваннинг клеёнка қопланган суянчиқ болишида бир китобнинг беш-олти нусхаси турибди. — С. Нуров, Майсаларни аёз урмайди

от 1. мат. Бир соннинг иккинчи сонга бўлиниши натижасида келиб чиққан учинчи сон, бўлиш амалининг натижаси.

Масалан, 18: 6 = 3. Бу ерда 3 сони бўлин-мадир. — Ўзме

2. ҳарб. Йирикроқ ҳарбий қисм таркибидаги кичикроқ ҳарбий бирлик (масалан, полкда — баталон, дивизион; баталонда — рота).

Миномётчилар бўлинмаси. Ўқчилар бўлинмаси.

Бўлинма кечагина душман батареяси турган тепаликни айланиб ўтди ва жангсиз илгарига қараб юрди. — А. Қаҳҳор, Асарлар

ўзбекчаБоливия, пойт. Ла Паз [лæ ъпæз] Ла-ПасрусчаБоливия, ст. Ла-Пас

от Балоғат ёшига, вояга етганлик.

1. Бўлакларга, қисмларга, шохобчаларга ажралиш

Мамурий бўлиниш. Сонларнинг касрсиз бўлиниши

2. биол. Энг содда организмларнинг иккига ажралиб урчиши

Ҳужайранинг бўлиниши

сфт. Бўлиб, ажратиб, тақсимлаб бўлмайдиган.

“Атом“ юнонча сўз бўлиб, бўлинмас деган маънони билдиради.