Қидирув

от 1. Отанинг ёки онанинг отаси (набирага нисбатан).

Бобонинг тол эккани — ўзига ном эккани. Мақол.

Бобом бургут боқиш билан менга қарадилар. — С. Аҳмад, Юлдуз

Бола бобосини икки-уч кун кўрмай ичикиб қолган. — С. Аҳмад, Уфқ

2. (фақат кўплик шаклида) Ўтмишда яшаб ўтган қариндош кишилар, аждодлар.

Агар Бобур мирзо Самарқандни тезроқ эгалламасалар, боболардан қолган салтанат бегона сулола илкига ўтиб кетгусидур. — П. Қодиров, Юлдузли тунлар

Боболардан сўзладим, аммо Бир зот борким, баридан суюк. — А. Орипов, Юртим шамоли

3. Ҳурмат юзасидан қариялар номига қўшиб ишлатилади.

Мурод дарров туриб, Ҳожи билан сўрашди ва назокат билан унга жой кўрсатди: — Келинг, Ҳожи бобо! Кўрин-майсиз, келмайсиз? — А. Қаҳҳор, Йиллар

Утар бобонинг отаси Гадойниёз бобо ҳам хон табиби эди. — С. Сиёев, Ёруғлик

Қолаверса, ўзимизнинг шоир бобомиз Бобораҳим Машрабнинг ҳақ, ҳақиқат, адолат ҳақидаги ғазалларини ким билмайди? — К. Яшин, Ҳамза

Раис бобо уларнинг ёнгинасига келиб, отдан тушди, тўриқ ёʻрғани ўз ҳолига қўйиб, дастурхон ёнига ҳорғин чўкди. — Н. Фозилов, Дийдор

4. Азиз-авлиёлар номига қўшиб ишлатилади.

Шайх Зайниддин бобо. Занги бобо.

Хизр бобо қўлингни баланд қилсин. — У. Исмоилов, Сайланма

5. тар. Ўтмишда Бухоронинг катта даҳаларини назорат қилувчи бош миршаб унвони.

6. фолк. Оқсоқол, отахон.

Камбағаллар Тоғайни бобо кўтарган эди. У камбағалларга бош бўлиб турган эди. — Рустамхон

7. Бобо (эркаклар исми).

Ўтмиш ота-боболардан, аждодлардан қолган моддий, маънавий бойлик.

Ўзининг бобомерос мулки ҳисобланмиш Самарқандни икки марта забт этади ва икки мартасида ҳам қўлдан беради. — Газетадан

Чол қишлоққа қай-тишдан аввал қишлоқдошларим мана шу бобомерос ҳовлимда оёқ узатиб, бандаликни бажо келтиришимга рози бўлишса, деган қарорга келди. — Ёшлик

Сажал мой дед шелковицу — выросла добрая слава.

посл. увидев старика,

н dog

от 1. Қари киши, чол.

[Ёʻлчи:] Бобойнинг сўзларига тош ҳам эрийди. Сиз одамсиз-ку! — Ойбек, Танланган асарлар

Мана ҳозир бобойнинг чақасини олдим, кетаман. — Ойбек, Танланган асарлар

Бобой дуо қилди, дегин. — А. Қодирий, Кичик асарлар

2. Қарияларга бир оз кибр аралаш мурожаат шакли.

Бардаммисиз, бобой? — Ойбек, Танланган асарлар

от ёки Бобо тил Бир қатор тилларнинг илк манбаи деб ҳисобланувчи ва қиёсий-тарихий текшириш ёʻли билан тикланиши мумкин бўлган қадимий тил.

туркий тиллар, хусусан ўзбек тили, олтой бобо тилидан бошланади. — Ўзме

от Қадимий ва улуғ тоғ.

Гужум маддасидек қўлларинг қадоқ, Бироқ боботоғдек қадди тик, мардсан. — Миртемир, Асарлар

от Қадимий қишлоқ, ота-боболардан қолган қишлоқ.

Ўша бобокентимсан, девзот бобомсан; Оҳ нечоғлик суюксан, соз, диёримсан. — Миртемир, Асарлар

от 1. Бобонинг отаси, катта бобо (эварага нисбатан).

Манави мадрасада бобокалонимиз мударрис бўлганлар. — М. М. Дўст, Лолазор

Қишлоқнинг энг бадавлат, энг мўтабар кишиси бўлган Махсумнинг бобокалони Ғойиб отани Ҳазрати султоннинг муриди бўлган деган нақл бор. — С. Анорбоев, Оқсой

2. (фақат кўплик шаклида) Ўтмиш ота-боболар, аждодлар.

Бобокалонларимиз дўстликни тириклик суви деганлар. — Газетадан

Бобокалонларимиз етти хазинанинг бирига сигирни ҳам қўшганлар. — Газетадан

3. кўчма Улкан вакил, улкан сиймо, асосчи.

Ёдгор бахши уста Қулай ўғли Қўрғон достончилик мактабининг бобокалонидир. — Гулистон

Садриддин Айний тожик ва ўзбек адабиётларининг бобокалон арбоби сифатида танилди. — Газетадан

от Қадимий ва кекса чинор.

Бобочинор уйғонар чўчиб, таниб қолар илонларни, оҳ. — Ш. Раҳмон, Юрак қирралари

от Чўпонлик касбининг устаси, устоз чўпон.

Манман деган бобочўпонлар эрталабдан бошлаб топган-тутганини кўтариб, бу ерга кела бошлади. — Мирмуҳсин, Меъмор

от 1. Деҳқончилик касбининг устаси, моҳир, тажрибали кекса деҳқон.

Далаларда ҳаёт қайнайди, бобо-деҳқоннинг қўли қўлига тегмайди. — Газетадан

Ўзбекистонда боғ-роғлар яратган менинг бободеҳқонларим эканлар-да. — Н. Сафаров, Оловли излар

2. Ўрта Осиё халқлари орасидаги ривоятларга кўра, деҳқончилик ҳомийси, пири.

экин экиш, ўриш-йиғиш вақтида Бободеҳқон қўлласин деб айтилади. — Ўзме

grossväterlich

боболарча меҳр grossväterliche Liebe