Қидирув

от 1. Ножўя хатти-ҳаракатлари билан ижтимоий тартибни, кўпчиликнинг тинчлигини бузувчи, ҳаммани безор қилувчи.

Бетамизда бет бўлмас, безорида уят бўлмас. — Мақол

Безоридан ҳамма безор. — Мақол

Ойим билан дадам мени жуда эркалатиб юборишган эмиш, шу кетишда кетаверсам, мендан қип-қизил безори чиқар эмиш. — Х. Тўхтабоев, Сариқ девни миниб

2. Ота безори Ножўя ҳаракатлари билан ҳаммани, ҳатто ўз отасини ҳам безор қилган.

— Ота безори бўлмоқчимисан? — Абдураҳмонбой кутилмаганда кўзига ёш олди. — Ҳ. Ғулом, Машъал

от Безорижон қилмоқ Жондан тўйдирмоқ, жонига тегмоқ, зериктирмоқ.

[Аҳмаджон] раъйига қарши чиққан суҳбатдошини безорижон қилиб, айтганига кўнишга мажбур этар эди. — С. Кароматов, Ҳижрон

Шавкат поездда ҳам типирчилайвериб, ота-онасини безорижон қилиб юборди. — Қ. Кенжа. Тоғ ёʻлида бир оқшом

от 1. Кўпчиликнинг тинчлигини бузиш, одамларни бездирувчи хатти-ҳаракат.

Безорилик қилмоқ.

Ичкилик, безорилик, бузилиш, одобсизлик — ҳаммаси бекорчиликдан чиқади. — А. Мухтор, Чинор

Отаси башарасига тупургандан кейин ҳам Раҳматуллонинг кўзи очилмади, баттар бўлди. У безориликни авжига чиқараверди. — Муштум

2. ҳуқ. 2 Шахснинг жамоат тартибини қўпол равишда бузиш ва жамиятга ошкора ҳурмацизлик кўрсатишдан иборат хатти-ҳаракати.

Майда безорилик.

Ичкилик туфайли безорилик рўй беради, жиноят содир бўлади. — Газетадан

сфт. Безорига ўхшаган; чапани.

rüpelhaft, flegelhaft

русчахулиганство, групповое нападениеинглизчаmugging

от Безорилиги ва дилозорлиги учун ҳатто ўз отаси ҳам юз ўгирган; оқпадар.

Бой эса яна отабезори ўғилларининг надомати билан юзма-юз, ёлғиз қолди. — Ёшлик

Сен ҳали шунақа ўзбошимча бўлиб қолдингми? Бундай ишни отабезорилар қилади. — Газетадан

от Ҳар қандай ёмон ҳаракатдан ҳам қайтмайдиган; ўта дилозор, бетавфиқ.

— Бу безбетни қаердан топдингиз, худобезори-ку у? — деди Солиев ўрнидан туриб. — Ёшлик