Hayot Foundation loyihasi
Loyiha haqida
Oʻz
Oʻz

Qidiruv

«BOSHLI» boʻyicha 18 ta natija

Filtr
Boʻlim
Lugʻatlar Ertaklar Shevalar
Lugʻat turi
Izohli Tarjima Terminologik Frazeologik
Tildan
Oʻzbekcha Inglizcha
Tilga
Oʻzbekcha Ruscha Inglizcha Qoraqalpoqcha Nemischa Fransuzcha Arabcha Turkcha

← Barcha natijalar

Lugʻat maqolalari

18 ta
boshli
Izohli lugʻat · yana 3 ta lugʻatda

sft. 1. Boshi, kallasi bor.

Yetti boshli ilon (ertaklarda).

U [Qoratoy] oʻttiz sakkiz-qirq yashar, yumaloq, katta boshli, bilaklari yoʻgʻon kishi edi. — Oybek, Tanlangan asarlar

Buning orasida ilon boshli bilaguzukdan tortib har xil taqinchoqlargacha chiqdi. — M. Mansurov, Yombi

2. koʻchma s. t. Aqpli, aqlli-hushli.

Boshli yigit. Oltin boshli otang bilan qolguncha, paxmoq boshli onang bilan qol. — Maqol

Boshliq boʻlsang, boshli boʻl. — Maqol

  • Butun boshli Butun, bir butun; butunligicha. Hammasi menga yopishadi: — Butun boshli otning qayoqqa yoʻqolganini bilmasang, nima qilib yuribsan qorovullikning kafilini olib, — deyishadi. — H. Nazir, Soʻnmas chaqmoqlarLashkarboshining qurumsoqligini qarang butun boshli xumcha koʻmib, ichida chaqa ham qoldirmabdi-ya. — M. Mansurov, YombiMen sendayligimda butun boshli oilani tebratganman. — E. Raimov, Ajab qishloqYangi yerlar ochilib, butun boshli yangi xoʻjaliklar tashkil topdi. — Oʻzbekiston qoʻriqlari
Toʻliq maqola →
boʻshlik
Izohli lugʻat · yana 4 ta lugʻatda

ot Ichida hech narsa yoʻqlik.

Idishning boʻshligi. Uyni boʻshligida remont qilib olaylik.

Ahmad na sevinch, na qaygʻu sezadi, yuragida allaqanday boʻshlik hukmron edi. — F. Musajonov, Himmat

Toʻliq maqola →
boshliq
Izohli lugʻat · yana 8 ta lugʻatda

ot 1. Idora, muassasa, tashkilot va shu kabilarga rahbarlik qiluvchi shaxs; rahbar.

Boshliq boʻlish oson, boshlamoq qiyin. — Maqol

Boshliq oʻzini bu qadar yaqin olishidan Mansur Obidovich sal taltayib ketdi. — F. Musajonov, Himmat

Boshliq buva, mingan oting qop-qora, Boshliq boʻlsang, hammalarga teng qara. — Qoʻshiqlar

2. Umuman, boshchilik, rahbarlik qiluvchi; rahnamo.

Oila boshligi. Roʻzgʻor boshligʻi. Qabila boshligʻi.

Tabibiy boshliq shoiri zamonlar baʼzi kunlari toʻrt marotabagacha Tozaboqqa qatnardi. — S. Siyoyev, Avaz

Toʻliq maqola →
beboshlik
Izohli lugʻat · yana 5 ta lugʻatda

ot 1. Erkinlik, shoʻxlik; aqlsizlik; tarbiyasizlik.

Yoshlik — beboshlik. — Maqol

Nurli chehrangizda qoldirgandir iz Bolaligimizning shoʻx beboshligi. — A. Muxtor, Asarlar

Voy oʻlay, shotini olib qoʻyish esimga kelmaganini qarang Hoy qiz, tushing. Bunday beboshlik qilmang. — P. Tursun, Oʻqituvchi

2. Oʻzboshimchalik, qonunsizlik.

Amalda siz aytganday qilinsa, beboshlikka katta yoʻl ochiladi, hammayoq anarxiya boʻlib ketadi. — P. Qodirov, Uch ildiz

Toʻliq maqola →