Hayot Foundation лойиҳаси
Лойиҳа ҳақида
Ўз
Ўз

Қидирув

«БИНО» бўйича 20 та натижа

Филтр
Бўлим
Луғатлар Эртаклар Шевалар
Луғат тури
Изоҳли Таржима Терминологик
Тилдан
Ўзбекча Русча Инглизча
Тилга
Ўзбекча Русча Инглизча Қорақалпоқча Немисча Арабча Туркча

← Барча натижалар

Луғат мақолалари

20 та
бино
Изоҳли луғат · яна 7 та луғатда

от Кишиларнинг яшаши, ишлаши ва бошқа эҳтиёжлар учун қуриладиган иншоот, улкан уй, иморат.

Театр биноси. Турар жой бинолари. Шаҳримизда янги-янги кўркам бинолар қад кўтармоқда.

Бинонинг ўнг томонидаги икки хонали уйда ўғли билан келини туради. — Саодат

Дангасага меҳнат ёқмас, ош ёқар, Ёмон одам тик бинони қулатар. — Қўшиқлар

  • Бино бўлмоқ 1. Қурилмоқ, барпо бўлмоқ. Бу қишлоқлар урушдан кейинги йилларда бино бўлган эди;Бир йигит қирқ йилда бино бўлади. Мақол.Одам ўз табиатини ўзи бино қилади. — Шарқ юлдузиБино бўлдинг қайси гавҳар донадан, Сендай ўғлон бино бўлмас энадан. — Маликайи айёр
  • Бино қилмоқ Қурмоқ, барпо этмоқ. Учинчи йил шифохона қаторида ёнида омборчаси билан махсус кооператив магазин бино қилади. — А. Қодирий, Ғирвонлик МаллавойКанизак бу айтилган нарсаларнинг ҳаммасини ҳозир қилиб, иккови шу чўлда шаҳар бино қилишган экан. — Луқмони Ҳаким
  • Бино қўймоқ 1. Ортиқ даражада берилмоқ, эътиқод қилмоқ. Ҳеч ким мендай сенга бино қўйган ёʻқ. Равшан.Паловни ким ёмон кўради, лекин профессор Обидийчалик унга бино қўйиб, чиройли ошайдиган одам кам бўлса керак. — Мирмуҳсин, УмидБино қўйиб, олтин сочин таради, Кўклам қизил гул ҳидини сочганда. — М. Алавия[Хонзода Гулбаҳорга:] Сен нимангга бино қўясан! — Ҳамза, Бой ила хизматчиҲа, чиройингга бино қўйдингми, ўзбошимча? — К. Яшин, Ҳамза
  • Умри бино бўлиб, дунё бино бўлиб ёки дунё бино бўлганидан бери Дунёга келганидан, туғилганидан бери; узоқ муддат давомида. Умрим бино бўлиб мен сендан бирон нима тама қилмаганман. — Шарқ юлдузиБунақа чиройли қизни умрим бино бўлиб кўрмаганман. — Ў. Ҳошимов, Икки эшик орасиУмри бино бўлиб бундай даҳшатли манзарани кўрмаган. — Ёшлик
  • Ўзига бино қўймоқ 1. Ўзига оро, зеб бермоқ. Ортиқ бино қўйдим ёр деб ўзимга. — ҲамзаЭнди мўйловим чиқиб, ойна олдида турганимни кўрган уйдагилар: — Ҳадеб ўзига бино қўйиш яхши эмас, — дейишарди. — Шукрулло, СайланмаҚирқин қизлар созланиб-нозланиб, ўзига бино қўйиб, қўлига хино қўйиб, боққа жўнади. — НуралиГердайиб ўтириши, бошини кўтариб, шошмасдан гапириши [Ҳожибнинг] мағрур ва ўзига бино қўйган одам эканини кўрсатарди. — М. Осим, ЎтрорЖонибек ўзига бино қўйган бола. — Шарқ юлдузи
Тўлиқ мақола →
биноан
Изоҳли луғат · яна 5 та луғатда

кўм. (жўналиш келишиги билан) Нимагадир амал қилган, асосланган ҳолда; мувофиқ, кўра.

Ваъдангизга биноан. Юқоридаги сабабларга биноан. Шунга биноан.

Қуллуқ, чақирганингизга биноан хизматингизга келдик, нима дейсиз. — Луқмони Ҳаким

Мазахўракларнинг буюртмасига биноан, официант устрицани ликопга солиб олиб келади. — Саодат

Тўлиқ мақола →
бинокл
Изоҳли луғат · яна 2 та луғатда

от Узоқни яқин қилиб кўрсатадиган қўш трубали дастаки оптик асбоб, дурбин.

Театр бинокли. Дала бинокли,

У ёʻлда парашют тушган жойни бинокл билан кузатиб борди. — И. Раҳим, Чин муҳаббат

Тўлиқ мақола →
бинойи
Изоҳли луғат · яна 4 та луғатда

сфт. Туппа-тузук, дуппа-дуруст, яхшигина, созгина; кўрса, кўргудай.

Бинойи йигит. Бинойи иш.

Қойилман, саркор, гапларингиз бинойи. — Аския

Юриш-туриши бинойи. Тинчгина юради. — Ёшлик

Тўлиқ мақола →
бинокор
Изоҳли луғат · яна 5 та луғатда

от 1. Бино, иморат қурувчи ишчи, уста.

Моҳир бинокор. Бинокорлар байрами. Бинокор уста,

Чор атрофи бетон деворлар билан ўралган бу қурилиш майдонида бинокорларнинг иш бошлаганига кўп бўлгани ёʻқ. — Газетадан

2. кўчма Бунёд этувчи; бунёдкор, ижодкор.

Мустақиллигимиз бинокорлари. Маданиятимиз бинокорлари.

Тўлиқ мақола →
бинобарин
Изоҳли луғат · яна 5 та луғатда

эрг. боғл. Шунга кўра, шу сабабли, демак.

[Зебонинг] Назарида бу муҳаббат ҳеч кимникига ўхшамас, бино-барин, ҳеч ким уни тўла тасаввур этолмас эди. — Шуҳрат, Шинелли йиллар

Бинобарин, атмосферани покиза тутмоқ учун барча давлатлар ҳамжиҳат иш олиб боришлари керак. — Фан ва турмуш

Тўлиқ мақола →
бинойидай
Изоҳли луғат · яна 1 та луғатда

ёки Бинойидек, бинойидеккина айн. бинойи.

Қишлоқ қизи шаҳарга келин бўлиб тушса, бинойидай рўзғор тутиб кетади. — Ёшлик

Хотиним минг пардоз-андоз қилсаям, таппига ўхшайди. Лекин қиз пайтида уям бинойидек эди. — Ёшлик

Севаргул сал бурнини жийириб қўйди: ўзимиз бинойидеккина чақ-чақлашиб ўтирибмиз-ку, дугонажон. — Ёшлик

Тўлиқ мақола →
бинокорлик
Изоҳли луғат · яна 4 та луғатда

от 1. Бино қуриш билан шуғулланишлик; бинокор касби.

Бинокорлик — менинг ота касбим.

Али тажанг жуда тўғри ўсган, ёʻғон ва баланд қарағайни суйиб қучоқлади. Бинокорликдан пича хабардор эди у. — Ойбек, Қуёш қораймас

2. Қурилиш иши; қурилиш соҳаси, қурилиш.

Мен бинокорликда ишлайман. Бинокорлик материаллари.

Тепанинг талай ҳиссаси кўчанинг бу бетидаги янги биноларнинг хом ғишти, сувоғи каби бинокорлик эҳтиёжларига ишлатилиб, бир нимтаси олинган туядек кўринишга келиб қолган. — А. Қодирий, Обид кетмон

Тўлиқ мақола →
Одамларни бинодан эвакуация қилиш

одамларни уларга хавфли омиллар таъсири бўлиши мумкин бўлган бинодан ташқарига уюштирилган ҳолда мустақил ҳаракат қилиш жараёни. О.б.э. эвакуация ёʻллари бўйлаб эвакуация чиқиш жойлари орқали амалга оширилади.

Тўлиқ мақола →
обиноввот

от 1. Ўрикнинг жуда ширин бир тури.

2. Пўсти сариқ-ола, сергўшт ширин қовун; чўгири.

Дарвозага яқинлашиб қолишган пайтда димоққа обиноввот қовуннинг иси урилди. — А. Обиджон, Аканг қарағай Гулмат

Тўлиқ мақола →