Поиск

ot 1. katta) astr. (A — Oʻn ikki burjning biri, Saraton va Sunbula burjlari oʻrtasida joylashgan.

2. Shamsiya yil hisobida beshinchi oyning arabcha nomi (22 iyul — 21 avgust oraligʻiga toʻgʻri keladi).

Keksa paxtakorlarimiz asad — gʻoʻzani yasat deydilar. Saratonda suv quy, Asadda tinch qoʻy. — Maqol

3. Asad (erkaklar ismi).

ot arxit. Uy, binoning old tomoni.

Xaloyiq gurullab, fasaddagi singari chiroqlar bilan yoritilgan foyega va undan uch eshik orqali zalga kirdi. — A. Qahhor, Qoʻshchinor chiroqlari

ot Kimsaga xos, unga tegishli narsa, fazilat va shu kabilarni koʻrolmaslik, xush koʻrmaslik his-tuygʻusi.

Hasad va rashkdan ichi yonib ketayotgan boʻlsa ham, soxta beparvolik bilan dedi: bizlar saxiy odam, baxtiyor boʻlinglar. — F. Musajon, Huri

Javondagi qimmatbaho buyumlarni koʻrib, hasadi qoʻzgʻaldi. — Mushtum

bu ikki dongdor meʼmor oʻrtasida azaliy bir yashirin rashk-u hasad mavjud. Mirmuhsin, — Meʼmor

Yuragida uygʻonib hasad, Ich-etin yeb, Qiynaldi behad. — S. Ochil.

ot 1. Oʻlik, murda.

Yigitali yetib kelganda, marhumning jasadi qabrga tushirilayotgan edi. — D. Nuriy, Osmon ustuni

Umrzoq otaning jasadini ham ana shu yerga koʻmdilar. — Sh. Rashidov, Boʻrondan kuchli.

2. Gavda, jussa.

[Gʻofir Jamilaga:] Bu zolimlar yuragimni sugʻurib oldilar, quruq jasadimni Sibir qildilar, xolos. — Hamza, Boy ila xizmatchi

Xolisa Toshxolga hurmat bilan qiziqib qaradi. Opa desa, oʻzidan yosh; singil desa, jasadi oʻziga ikkita keladi. — S. Nurov, Narvon

ot kt. astr. Osmon jismlarini kuzatish, astronomik kuzatishlar.

sft. Hasadi bor, hasad his-tuygʻuli, hasad, rashk ifodalovchi.

— Tahsin-tahsin! — deydi Xatib domla hasadli taajjub bilan, — toza ham pulni qirdik, deng Tahsin-tahsin! — A. Qodiriy, Obid ketmon

Hasadli kishilarga aslo doʻst boʻlmagil, kin-adovatli, hasadli kishi doʻstlikka loyiq emas. — Qobusnoma

ot Koʻrolmaslik, hasad tuygʻusi kuchli, hasad bilan munosabatda boʻluvchi shaxs.

Hasadchi, kek-adovatli, bor boʻlsang — koʻrolmaydigan, yoʻq boʻlsang — berolmaydigan shaxslar ham doʻstlikka noloyiqdir. — Fan va turmush

Hasadchi oʻziga ham yaxshilik qila olmaydi. — Gazetadan

ot ayn. Hasadchi.

Ichi qora, hasadgoʻy kishi aqlli va talantli kishilardan oʻrganish oʻrniga ularga baxillik qiladi. — R. Usmonov, Odobnoma

ot 1. Sadaqa; qurbon, fido.

Qaniki topilsa yorim, Tasadduqdir harna borim. — Ravshan

2. und. s. Sadaqa boʻlay, oʻrgilay.

Hammasini kiyib, zeb-u ziynatlarni taqib olibsiz-ku, tasadduq. — K. Yashin, Hamza

Hozir, tasadduq! Hozir, bolam — S. Nurov, Narvon

3. und. s. Tahsin, ofarin, tasanno.

Seni tugʻgan onangga ming tasadduq, Qay yigitning sendek baxtiyori bor. — Yo, Mirzo

Paxtasini bayroq qilgan Paxtakorga tasadduq. — N. Narzullayev

ot 1. kt. Tar. Oʻtmishda kichik amaldor.

2. Biror ishni boshqarish uchun tayinlangan kishi; ishboshi, boshliq.

Vaqtida koʻrak yetkazib berilmasa, mashina, odamlar ishsiz qolgudek boʻlsa, mutasaddilarning jigʻiga tegardi. — N. Safarov, Uzoqni koʻzlagan qiz

Mutasaddilarning gaplariga qaraganda, Mallayevning davolanish sarf-xarajatlari xabari avval Navroʻz telemarafoniga kelib tushgan. — Gazetadan

3. esk. Biror ishni oʻz ustiga olgan kishi.

— Shartnomada koʻrsatilgan miqdordan bir yarim baravar hosil olishga mutasaddi boʻlaman, — dedi Sodiq jiddiyat bilan. — S. Ayniy, Qullar

ot yana q. Qadimgi Sharq observatoriyalarining nomi (observatoriya).

Beruniy bu jumboqni yechish umidida oʻzi qurgan rasadxonada kechani kunduzga, kunduzni kechaga ulab, rasad oʻtkazdi. — O. Yoqubov, Koʻhna dunyo

Samarqand qalʼasining tashqarisidagi bogʻ koʻchalar, Ulugʻbek rasadxonasining atroflari, Obirahmat arigʻining boʻylari behisob qoʻshinga toʻlib ketgan. — P. Qodirov, Yulduzli tunlar

Katta bogʻni eslatuvchi serdaraxt hovli kimsasiz, rasad-xona jimjit edi. — O. Yoqubov, Koʻhna dunyo

fl. kam qoʻll. ayn. Hasad qilmoq

Zaynab unga [Kumushga] hasadlanib qaradi va kuchlanib aytdi: — Hali yoshga oʻxshaysiz-ku. — A. Qodiriy, Oʻtgan kunlar

— Chavandoz qurgʻur, dunyoning zavqini biladi-da, — hasadlanib gapirdi Yormat — . Oybek, Tanlangan asarlar

русскийтрупанглийскийcorpse

ot Rashk va hasad, oʻta koʻrolmaslik.

Chunki men: Ular meni qoldirib, oʻzlari sozandalarga qoʻshilib, boshqa toʻyxonaga borgandirlar, deb oʻylab, rashk-hasad bilan bezovta boʻla boshladim. — S. Ayniy, Esdaliklar

Ustod Qavom, garchi ota-sining yaqin oshnasi boʻlsa ham, bu ikki dongdor meʼmor oʻrtasida azaliy bir yashirin rashk-u hasad mavjud — Mirmuhsin, Meʼmor

погов. кто завистлив, тот и обидчив.

погов. доброта ведет к счастью, недоброжелательность — к гибели, добро будешь желать — получишь добро, зло будешь желать — получишь зло.

На лугу перепелок много, а у лентяя отговорок много.