Проект Hayot Foundation
О проекте
Ру
Ру

Поиск

По запросу «ASV» — результатов: 44

Фильтр
Раздел
Словари Сказки Диалекты
Тип словаря
Толковый Переводной Терминологический
С языка
Узбекский Английский Турецкий
На язык
Узбекский Русский Английский Каракалпакский Немецкий Французский Арабский Турецкий

← Все результаты

Словарные статьи

44 · страница 1 из 3
rasvo

sft. 1. Nojoʻya xatti-harakati, yurish-turishi bilan el nazaridan qolgan; yaramas, razil.

Rasvo odam.

Tavba, — dedi u oʻziga-oʻzi, — yarim soat ichida ikki rasvo odam bilan uchrashsam-a. Hayotida hech mahal bunchalik yaramas tasodifga yoʻliqmagan edi. — Mirmuhsin, Umid

2. Juda ham yomon, tanqiddan tuban.

Rasvo gap.

3. Juda ham yomon, yaramas; nokas.

Uning xunukligi ustiga ikki dunyosi ham rasvo — hasadchi edi. Mirmuhsin.

Bojasi rasvo ekanini bilardim. — Shukrullo, Saylanma

Jaydari gʻoʻzaday mijgʻov, rasvo ekinni dehqon bolasi bilmasa kerak. — Gʻ. Gʻulom, Aliqulning qarzi

4. Izdan chiqib ketgan, yomon ahvolga tushib qolgan; yomon, pachava.

[Oʻrmon Dadavoyga:] Qayerdaki intizom mahkam, u yerda ish yirik. Qayerdaki intizom buzildi, u yerda ish rasvo. — Uygʻun, Navbahor

Ishni rasvo qildi-ku Padar laʼnat Toshbaqa. — Yoshlik

5. Buzuq, badaxloq.

  • Rasvo boʻlmoq yoki rasvosi chiqmoq 1. El nazaridan qolmoq, el nazarida sharmandayi sharmisor boʻlmoq. Ana shunday qilib esdan ham ajrarsiz el ichida kulgiga ham qolursiz, rasvo ham boʻlursiz! — A. Qodiriy, Oʻtgan kunlarPoy sachrab, kiyimi rasvo boʻldi. Yap-yangi jinsi shim ham rasvo boʻldi. — Sharq yulduzi— Basharti xat dushman qoʻliga tushguday boʻlsami, ishimiz rasvo boʻladi, — dedi unga komandir vazifani tushuntirar ekan. — A. Rahmat, Varrakchi chol
  • Rasvo qilmoq yoki rasvosini chiqarmoq 1. Sharmandayi sharmisor qilmoq. — Lozimidan boʻlak hamma yogʻini yechirib, rasvo qilib chiqarishibdi, — dedi Hoji xola. — M. Ismoiliy, Fargʻona tong otguncha— Haromi meni toza rasvo qilganga oʻxshaydi, — dedi oʻzicha [Hoji]. — A. Qahhor, Yillar— Rasvomizni chiqarishibdi, — dedi Saidvaqqos entikib [Obidxoʻjaga]. Soʻng choʻntagidan gazeta chiqardi. — Felyeton qilishibdi. — X. Toʻxtaboyev, Felyetondan soʻngOna! — Xolisa oʻgirilib qaradi, katta xona polida mushukchasiga sut boʻktirilgan nonni yedirolmay oʻtirgan oʻgʻilchasiga koʻzi tushdi: — Hoy, polni rasvo qilibsan-ku! — S. Nurov, Narvon— Voy-boʻ, hovlini rasvo qilibsizlar-ku, — deydi Fotima opa togʻora izlarini koʻrib. — R. Fayziy, Sen yetim emassanShukur Karimovich gʻoʻdayib turgan Salimxon Obidiyga xoʻmraydi: — Domla, rasvo qildingiz! — deb poʻngʻilladi. — Mirmuhsin, Umid— Oʻsha felyeton hamma ishni rasvo qilib tashladi. Matbuotda eʼlon qilindimi — tamom. Gʻisht qolipdan koʻchdi. — N. Aminov, QahqahaQizlarni ham rasvo qilyapsiz. — S. Zunnunova, Olov— Bolalar meni yaxshi koʻrsin, deb ularni rasvo qilyapsiz, oʻrtoq Sultonova [dedi Baratov]. — S. Zunnunova, Yangi direktorChakki qiladi Shoqosim aka. Nasha bir kuni uni rasvo qiladi. — Oybek, Tanlangan asarlar
  • Rasvoyi olam (yoki jahon) boʻlmoq Hammaning oldida sharmandayi sharmisor boʻlmoq, obroʻsi toʻkilmoq. Zamondin zamon oʻtib, ularning dilida yaxshilik, muruvvat, hamiyat, insof-u adolat chirogʻi yonarmikin yoxud to qiyomat qadar shunday badbaxtlik botqogʻida rasvoyi olam boʻlib qolarmikinlar? — S. Siyoyev, YorugʻlikBularni oʻylaganda, Tojiboyning ichini qorongʻi bosib, koʻz oldi tinib ketdi. Yoʻq, kimsan — Tojiboy oqsoqol bunday rasvoyi jahon boʻlish uchun tugʻilgan emas. — P. Tursun, Oʻqituvchi
Полная статья →
tasvir

ot 1. Biror narsaning oʻyma, quyma yoki chizma shakli; rasm, surat.

Grafik tasvir.

Hirotda jangnomalar ichiga surat chizish odat tusiga kirgan, mavlono Behzod chizgan Alisher Navoiy va Husayn Boyqaro tasvirlari rasmiy doiralarda shuhrat topgan edi. — P. Qodirov, Yulduzli tunlar

Bu daftarda Buxorodagi bir necha madrasalarning ham tasviri bor — Mirmuhsin, Meʼmor

Lola yangligʻ orazingni men koʻrib tasvirda, Mubtalo boʻlmoqligʻim yozmish ekan taqdirda. — Hamza

2. Narsa, voqea-hodisa va shu kabilarning badiiy ifodasi, tavsifi.

Boburnomani varaqlar ekansiz, oʻrni-oʻrni bilan tabiat manzaralari chizilgan lavhalarga, tabiiy hodisalar tasviriga duch kelasiz. — Fan va turmush

Полная статья →
vasvos

ot Boshiga savdo tushib yoki biror narsaga ortiq darajada berilib, es-hushidan ozgan; vasvasaga tushgan, savdoyi.

Vasvos odam,

[Boʻridev] Gʻamgin qiyofada qaytib kelib, Hodiqul boya oʻtirgan yerga tikilib qoldi. Keksaroq bir dehqon: — Vasvos boʻlib qolibdi, qarindoshingizmi? — dedi Boʻridevga. — S. Karomatov, Bir tomchi qon

Vasvos dardiga yoʻliqqan hokimdan har narsani kutmoq mumkin. — O. Yoqubov, Koʻhna dunyo

Bekam, vasvos boʻlib qolibsiz! bir oz dadil boʻling! Vahima qilavermang — Mirmuhsin, Meʼmor

Полная статья →
vasvasa

ot 1. Odamda gʻayritabiiy xayollar, gʻoyalar paydo boʻlishi, fikrlash va faraz qilish faoliyatining buzilishi, shunday ruhiy holat.

Urush vasvasasi.

Gʻulomjon sevgi vasvasasiga uchganini, shaʼniga yarashmagan qiliq qilganini endi angladi. — M. Ismoiliy, Fargʻona tong otguncha

Odam vasvasaga tushsa, yomon boʻlarkan. — Yoshlik

2. Kishini yoʻldan ozdiradigan gap, xatti-harakat, igʻvo va shu kabilar

[Yusufbek hoji Otabekka:] Qayin otangdan, meni quvladi, deb koʻngling olinmasin, chunki bu bechora ham bir shaytonning vasvasasi bilan bu xatoga tushgan. — A. Qodiriy, Oʻtgan kunlar

Ey ulugʻ shoh, bu yoʻldan qayt, shaytonning vasvasasiga uchma, keyin pushaymon boʻlib yurma — Oltin beshik

3. Vahimali, gʻulgʻulaga soluvchi oʻy-fikr, xayollar, shunday oʻy-fikr, xayolli holat.

Dilingizdagi vasvasalarni haydang — K. Yashin, Hamza

Doimo umidim bardam boʻlsa ham, Baʼzan vasvasalar bosar dilimni. — Gʻ, Gʻulom

4. kam qoʻll. Ayn. vasvos.

Nega vasvasa deysan meni, Berdi? — I. Rahim, Ixlos

Полная статья →
rasvolik

ot 1. Yaramaslik, razillik.

Yoqut aya oʻz rasvoligiga achchiq-achchiq, yumma-yumma yigʻladi. — Gʻ. Gʻulom, Soyalar

2. ayn. Rasvogarchilik 2.

— [Musulmon ligasi] Ulamolar bilan birgalashib, yana Amerika yordamini bosh usti qabul etishga fatvo berdi, bu qanday rasvolik! — dedi Muhammad Jamol. — Oybek, Nur qidirib

3. ayn. Rasvogarchilik 1.

Odamlar suyugʻoyoq xotinidan emas, rasvolikni boʻyniga olgan eridan jirkanishardi. — Mirmuhsin, Umid

Полная статья →
rangtasvir

ot Tasviriy sanʼat turi; biror qattiq yuzada rangli ashyolarda, masalan, boʻyoqlar yordamida badiiy asar yaratish usuli va shu yoʻl bilan yaratilgan badiiy asar.

Festivalda mamlakatimizning 250 dan ortiq iqtidorli yosh ijodkorlari rangtasvir, grafika, haykaltaroshlik, amaliy sanʼat, dizayn va boshqa sanʼat turlari boʻyicha sara ijod namunalari bilan ishtirok etdilar. — Gazetadan

Полная статья →