Поиск

Tarmoqlar uchun dasturiy taʼminotni ishlab chiqaruvchi kompaniya. AQSHda 1983 yilda yaratilgan. Novellning eng mashhur ishlanmasi koʻp yillar davomida lokal tarmoqlarni yaratish uchun standart boʻlib kelgan NetWare operatsion tizimidir.

1. maxsus kichik epik janr. Bunday novella mustaqil rivoyaviy shakl sifatida XIV—XV asrlarda Italiyada Uygʻonish davrida yuzaga keldi. Uning dastlabki namunalari Bokkachcho, Sakketti, Mazuchcholar ijodida uchraydi. Bu novellalar syujeti oʻtmish adabiyotidan yoki folklor syujetlaridan olingan boʻlsa-da, biroq ular oʻzlarining mazmuni va shakli jihatidan qayta ishlangan. Feodalizm jamiyatida shaxs oʻzining individual xislatlarini namoyon eta olmas edi. U oʻzi mansub boʻlgan tabaqa yoki ijtimoiy guruhning bir parchasi sifatida oʻsha ijtimoiy tabaqaga xos xislatlar bilan belgilanar edi. Uygʻonish davriga kelib u oʻzining ilgarigi qaramligiga qarshi, shaxsiy erkinlik uchun kurash boshlaydi. Shaxsning individual xislatlari, kechinmalari, orzu-umidlarini tasvirlashiga intilgan tarixiy-ijtimoiy adabiy jarayon yangi adabiy janr — novellaning yuzaga chiqishiga sababchi boʻldi. Janr sifatida novella quyidagi belgilarga ega boʻlishi: a) konkret shaxs hayotiga oid voqealarni ixcham, badiiy jihatdan mukammal shaklda aks ettirishi; b) asardagi personajlar miqdori oʻta chegaralangan boʻlishi va shunda ham epik bayonning bir personaj bilan bogʻliq boʻlishi; v) novelladagi syujetning kutilmagan boshlama va yechimlarga, keskin dramatik taranglikka ega boʻlishi; g) kichik hajmda katta davrga xos asosiy xususiyatlarni sigʻdira olishi va shunga mos holda loʻnda bayon etishi; d) koʻpincha asarni bir muhim detal asosiga qurishi lozim. Oʻzbek sovet adabiyotida novella janrining mohir ustasi A. Qahhor hisoblanadi. Uning «Bemor», «Boshsiz odam», «Anor», «Yillar», «Notiq», «Sanʼatkor» kabi koʻpgina asarlari novellaning ajoyib namunalaridir. Bunday novellalar ijodkori novellanavis, hikoyanavis terminlari bilan ifodalanadi;

2. keskin burilish momentlariga ega boʻlgan, qisqa hajmli hikoyalar ham novella deb yuritiladi.

Matn, xabar va hujjatlarga ishlov berish uchun dasturiy taʼminotni ishlab chiqaruvchi kompaniya. AQSHda yaratilgan boʻlib, dastlab WordPerfect deb nomlangan. Kompaniya tomonidan ochiq xabarlar muhiti hamda aloqa va obyektlarni butlash texnologiyasini belgilovchi “aloqa obyektlari va obyektlarni butlash” uslubiyati (OLEO)ni yaratgan.