(лат. expositio — тушунтириш сўзидан)
ekspozitsiya. Badiiy asar syujetining tarkibiy qismi boʻlib, unda voqealar yuz beruvchi oʻrin-joy, asar qahramonlarining xarakterini shakllantiruvchi ijtimoiy muhit va shart-sharoit kabilar tasvirlanadi. Ekspozitsiya badiiy asar kompozitsiyasining komponentlaridan biri sifatida ijodkorning maqsadiga boʻysungan holda turlicha oʻrinda va xarakterda berilishi mumkin. Novella yoki hikoyada voqealar koʻpincha bir joy bilan bogʻliqligi sababli ekspozitsiya ham qisqa, oʻsha joy va shart-sharoit tasviridan iborat boʻladi. Masalan, A. Qahhorning «Anor» hikoyasida Turobjonning hovli va uyi tasviri ekspozitsiyani tashkil etsa, Oybekning «Qutlugʻ qon» romanida u butun asar davomida uchraydi. Ayrim asarlarda avval voqea hikoya qili-