Qidiruv

Qurilma yoki dasturiy taʼminot toʻgʻri ishlayotganini yoki uning ish tezligini aniqlash jarayoni. Testlash uch asosiy bosqichga ajratiladi. Bular ishlab chiqish, sifat nazorati va yaratilayotgan obyektni tatbiq qilish bosqichlaridir. Har bir bosqichda shu bosqich testlari amalga oshiriladi. Bularning hammasi obyektning sifatini va obyektlarning bexato ishlashini kafolatlaydi. Testlash texnik va dasturiy mahsulotlarni tashxislashni va haqiqiyligini tasdiqlashni taʼminlaydi, ularning texnik talablarga mosligini tekshiradi. Testlash uchun apparatlar yoki dasturlar, masalan, mantiqiy tahlilchilar ishlatiladi. Testlash dasturlardagi xatoliklarni aniqlash imkonini beradi xolos. Ularni tuzatish dasturlarni sozlashda amalga oshiriladi.inglizchatestingruschaтестирование

Kelajakdagi dasturiy mahsulotni umumiy baholash va unga u yoki bu kerakli xususiyatlarni qoʻshish uchun moʻljallangan dastur yoki dasturiy taʼminotning dastlabki sinov bosqichi.inglizchaalpha testingruschaальфа-тестирование

Dasturiy mahsulotni bozorga chiqarishdan avval sinash uchun ishlatib koʻrish. Ishlab chiqaruvchi firma sinovlaridan oʻtkazilgan dasturning dastlabki versiyasi (beta-versiya) hujjatlarning dastlabki versiyasi bilan birga, ekspert sifatida koʻriladigan nufuzli potensial foydalanuvchilarga rasmiy ravishda tarqatiladi. Ular dasturlarning funksional imkoniyatlarini tekshiradilar, hujjatlarning dasturlarga mos kelishini koʻrib chiqadilar. Beta-testlash jarayonida, dasturni ishlash va sinash davrida payqamay qolingan bevosita mahsulotni ishlatish bilan bogʻliq xatolar aniqlanadi. Ishlab chiqaruvchi – firma beta-testlash natijalariga koʻra dasturiy mahsulotga tuzatishlar kiritgandan soʻng, uning nusxalari koʻpaytiriladi va bozorga chiqariladi.inglizchabeta testingruschaбета-тестирование

Dasturlashdagi jarayon, dasturning ilk kodi maxsus modullari toʻgʻriligini tekshirishga imkon beradi. Gʻoya – har bir notrivial (murakkab) funksiya yoki usul uchun test yozish. Bu oʻzgartirilgan kod xato keltirib chiqarmaganligini tezda aniqlashga imkon beradi. U regressiya – oldin yozilgan va testdan oʻtkazilgan dasturlarda xato kelib chiqmaganligini osonlik bilan tekshirishni va xatoni toʻgʻrilashni oʻz ichiga oladi.inglizchaunit testingruschaблочное тестирование

Dastur taʼminotini hamma turdagi testlashning yigʻma nomi. U sinovdan oʻtgan ilk kod uchastkalarida xato topishga yoʻnaltirilgan. Bu kabi xatolar dasturga oʻzgartirish kiritilgandan soʻng ishlashida davom etishi kerak boʻlgan narsa ishlamay qolganda regressiv xato (ingl. regressive bugs) deb nomlanadi. Odatdagi regressiv testlash usullari – oldingi testlarni qayta oʻtkazish, kodlar qoʻshilganda regressiv xato keyingi versiyaga oʻtmaganligini tekshirish.inglizcharegression testingruschaрегрессивное тестирование

Dasturiy taʼminotni testdan oʻtkazish bosqichlaridan biri. Unda muayyan dasturiy modullar birlashadi va guruhda testdan oʻtadi. Odatda integratsion testlash modul testlashdan soʻng va tizim testlashdan oldin oʻtkaziladi.inglizchaintegration testingruschaинтеграционное тестирование