1. Bir turdagi koʻplab hujjat yoki maʼlumotlarning tartibga solingan tarkibi.английскийarrayрусскиймассив
2. Dasturlash tillarida – nom berilgan jami sonlar, mantiqiy qiymatlar yoki maʼlumotlarning boshqa bir xil turdagi elementlari. Massiv elementlari sonlar, ramzli qatorlar, yozuvlar, yozuv guruhlari boʻlishi mumkin. Har bir element indeks deb atalmish bir necha koʻrsatkichlarga ega. Indekslar elementlarni izlash va ular turini aniqlashga xizmat qiladi. Vektor deb nomlanuvchi bir oʻlchamli massivda har bir element bitta indeks bilan belgilanadi. Jadval va matritsalar ikki oʻlchamli massivlarga kiradi. Oʻz tuzilishi boʻyicha massivlar fayllarga yaqin. Biroq, ularni fayllardan farqlovchi ikki asosiy belgi bor: - massivning har bir elementi aniq belgilangan boʻlishi mumkin va undan bevosita foydalanish mumkin; - massivdagi elementlar soni uni taʼriflashda aniqlanadi. Massivlarga boshqa maʼlumot tuzilmalari kabi ishlov berish mumkin. Shu bilan birga, tezlikni oshirish uchun odatda axborot tizimlarida massivlarga ishlov berish uchun maxsus matritsaviy protsessorlar ham qoʻllaniladi.
3. Bir xil axborotni bir paytning oʻzida oʻqiydigan va yozadigan ikki yoki undan koʻp qattiq disk. RAID tizimida operatsion tizim disklar massivini yagona qattiq disk sifatida qabul qiladi.
4. Bir necha yoʻnaltirilgan antennalardan iborat boʻlgan simsiz telekommunikatsion antenna turi.