Qidiruv

ot 1. Chillak oʻyinida: nafas olmay yugurib ketayotganda uzluksiz chiqarib boriladigan tovush (bu tovushning uzilishi nafas tugaganini, binobarin, oʻyinchi oʻyindan chiqqanini bildiradi).

2. Juda qisqa fursat, lahza, on.

Inobat goʻyo soʻz topolmagan odamday, bir zum jim qoldi. — O. Yoqubov, Er boshiga ish tushsa

[Dilfuza] Bir zum toʻxtab, koʻz yoshlarini artdi. — Oʻ. Hoshimov, Qalbingga quloq sol

Zumerlar 2000 yildan keyin tugʻilgan avloddir. Ular Internet va ijtimoiy tarmoqlar asrida oʻsgan va koʻpincha "raqamli avlod" deb ataladi. Zumerlar oldingi avlodlardan dunyoga ochiqroq munosabatda boʻlishi, tayyorligi bilan ajralib turadi va oʻz-oʻzini anglash istagi baland.

Zumerlar jamiyatda tobora muhim rol oʻynamoqda va ularning taʼsiri kelajakda faqat kuchayadi.

ot 1. Oliy sifatli, och yashil tusli qimmatbaho tosh.

Koʻrdingmi? Bu nima? Mana bu — dur, mana bu — marvarid. Mana bu yongan — gavhar. Qolganlari — har xil toshlar, yoqut, zumrad [dedi Mirzakarimboy]. — Oybek, Tanlangan asarlar

Qozikalon sandiqlarni ochib koʻrsatdi: baʼzisida olmos, yoqut, aqiq, zumrad va marvarid, baʼzisida oltin va kumushdan yasalgan, qimmatbaho toshlar bilan ziynatlangan idish-oyoqlar, baʼzilarida zeb-ziynatlar toʻla edi. — S. Ayniy, Doxunda

2. koʻchma sft. Och yashil, sabzarang.

Moldaviya dalalarining zumrad rangi bizning lalmikor bugʻdoyzorlarimizni eslatadi. — N. Safarov, Olovli izlar

Voh, yuragim oʻynardi kumush jilgʻalarning zumrad labida. — Sh. Rahmon, Yurak qirralari

Ariq boʻyida qalin yosh tol, oʻrtasida yogʻoch soʻri. Uning tagidan shovullab oqib turadigan zumrad suvdan doim bir xilda salqin shabada esadi. — I. Rahim, Ixlos

3. Zumrad (xotin-qizlar ismi).

fl. Chillak oʻyinida: nafasi yetganicha toʻxtovsiz zum deb yugurmoq.

Yuz qadam joyga zumlab boradi.

ot s. t. Har qanday yomon, nojoʻya ish qoʻlidan keladigan bola; shumtaka, tirrancha, tirmizak.

— Hoy juvonmarg, zumrasha, tagʻin koʻchagami? Bu yoqqa kel, oʻtinni tutashtirib ket, tutay berib, koʻzimni koʻr qilayozdi, — dedi Shum bolaga onasi. — Gʻ. Gʻulom, Shum bola

[Alijon] Onasining: Hooy, devorni nuratma, zumrasha! deganiga ham quloq solmay, qoʻshni bogʻiga gurssa sakrab tushib, gʻolib boʻldi. — Mirmuhsin, Chiniqish

fl. Zumlamoq feʼlining orttirma nisbati.