Поиск

ayn. Zilday.

Yerdan uzib boʻlmaydigan darajada ogʻir (narsa, yuk haqida).

Zil yuk.

Loyga tushdi yugurib shu chogʻ, zil shotini koʻtardi azot. — Mirmuhsin

Shofyor zil gavdasini bir tebratib qoʻyib, yana gapga tushib ketdi. — Mushtum

sft. kt. Nihoyat darajada tiniq, shaffof.

Zilol suv.

Yoʻl yoqasidagi ariqda zilol suv mavj urib oqmoqda. — N. Safarov, Olovli izlar

Ular [Turgʻun va Saodat] pastga tushganda, daryoning zilol suvi boʻtana boʻlib, qirgʻoqdan osha boshlagan edi. — O. Yoqubov, Togʻ qizi

Zilol suvning oyinasida Ikkisining aksi jonlanar. — H. Olimjon, Ikki qizning hikoyasi

sft. Juda ogʻir, koʻtarib boʻlmas darajada ogʻir.

Poyezd joʻnashiga uchin-chi qoʻngʻiroq urilganda, ikki qoʻlida zildek chamadon koʻtargan, boʻyni yelkasiga tutashib ketgan bir kishi kirdi. — S. Ahmad, Saylanma

Kayfiyati beshbattar xufton boʻlgan Farmonov uyga qaytdi-yu, yechinmasdan, zilday gavdasini divanga tashladi. — Mushtum

ot kt. Kamsitish, xoʻrlash, haqorat; tubanlik.

— Shunda biz zorlikdan, zillatdan qutulurmiz, tinch boʻlurmiz, vatanimiz tinch boʻlsin, omin! — dedi olomon. — Oybek, Nur qidirib

Har balodan asraguchi eng muhim qimmat yarogʻ — Tiri vahshat, xanjari zillatga qalqondir kitob. — Hamza, Tanlangan asarlar

ot Tabiiy sabab orqasida vujudga keladigan yer osti silkinishi va tebranishi; yer qimirlashi.

Bir nafaslik zilziladan kechagi shaharlar sahroga aylandi. — Shukrullo, Javohirlar sandigʻi

Toshkent zilziladan keyin yangi koʻrinish oldi. — Gazetadan

Kunduzgi olti balli zilzila, imoratlarning qisir-qisiri vahimani kuchaytirdi. — Mirmuhsin, Umid