Поиск

ot 1. Zargar hunarini egallaganlik; qimmatbaho metallar va toshlardan bezaklar yasash.

Zargarlik sanʼati eng koʻhna sanʼatlardan biri boʻlib, u dekorativ-amaliy sanʼat xili sifatida keng tarqalgan. — Gazetadan

U [Usta Orif Buxoriy] naqqoshlik va zargarlikdan to sartaroshlikkacha nodir odam. — Oybek, Navoiy

2. tar. Bozorda zargarlar joylashgan rasta, qator; zargarlar yashaydigan mahalla.

ot 1. Oltin, kumush va turli qimmatbaho toshlardan zeb-ziynat buyumlari yasaydigan usta.

Zargar qoʻlda ishlaydi, bu esa aniqlikni, batartiblikni talab qiladi. — Gazetadan

Xorazm tuprogʻida yetilgan totli mevalar, turkman otlari, eroniy gilamlar, Xiva zargarlari ziynatlagan tilla buyumlar, toy-toy ipak oʻramlari imperator hazratlariga peshkash qilindi. — S. Siyoyev, Avaz

Zargar yasar tillaqosh, Kelinchaklar taqsin deb. — Oq olma, qizil olma

2. koʻchma Biror sohaning yetuk ustasi.

Mohir soʻz zargari Alisher Navoiy har bir ijrochining mahoratiga qisqa-qisqa, lekin mantiqan kuchli, aniq xarakteristika beradi. — Gazetadan

Moʻl-koʻl hosil yetishtirish uchun dehqonlar zargar kabi ishlashlari darkor. — Gazetadan