от 1. Ҳақиқатга зид, нотўғри; ҳақиқатда бўлмаган.
Ёлғон сўз. Ёлғон хабар.
[Отабек] Илгари ўзининг ёлғон жавобларидан жуда хавотирланар эди. А. — Қодирий, Ўтган кунлар
— Қайси ноинсоф топиб келди сизга бу ёлғон гапни? — деди Алим бува хуноб бўлиб. — М. Исмоилий, Фарғона тонг отгунча
2. Ҳақиқий эмас, сохта, ясама; ёлғондакам.
Ёлғон йиғи. Ёлғон кулги.
3. от Ҳақиқатга тўғри келмайдиган, нотўғри гап, нарса; уйдирма.
Ширин ёлғондан аччиқ ҳақиқат яхши. — Мақол
Ёв макрини ёлғон яширар. — Мақол
Ҳаёт ҳақиқатини куйласанг, халқ учун ёзсанг, таёқ ейсан; ёлғонни ёзсанг, бошингни силайдилар. — Ойбек, Нур қидириб
Ёлғонни сал киши ишонадиган қилиб гапириш керак, Сафарали. — А. Қодирий, Меҳробдан чаён
- Ёлғон арафа
- Ёлғон барг Уруғдан униб чиққан дастлабки қўш барг. Ғўза ёлғон барг чиқариши билан дарҳол ягана финиши шарт. — Н. Сафаров, Ҳаёт мактаби
- Ёлғон тонг Тонготардан анча олдин, тонг ёришгандек туйиладиган пайт; субҳи козиб. Тонг бўзариб ёришди. Ёлғон тонгда адашиб ёʻлга чиққан булутлар таралди. — Шуҳрат, Шинелли йиллар
- Ёлғонни сув қилиб ичмоқ Кўп ёлғон гапирмоқ. — Ёлғонниям сув қилиб ичасан-да, Шерматхўжа! — деди биров. — С. Сиёев, Ёруғлик
- Ғирт ёлғон Бутунлай нотўғри. Лекин Ҳошимовнинг, шу бўри боласига маҳлиё бўлиб, Акром яхши ўқий олмай, олтинчи синфдан қолиб кетди, дегани ғирт ёлғон. — Х. Тўхтабоев, Ширин қовунлар мамлакати