fl. 1. Biror narsaga oʻzida ehtiyoj sezmoq, unga erishishni istamoq.
Meʼmorni oʻz holiga qoʻyib berish kerak. U shuni xohlardi. — Mirmuhsin, Meʼmor
Nasibaning oʻzi oʻqishni xohlamasa, hech kimga gap tegmaydi. — A. Qahhor, Ogʻriq tishlar
Yoshi ortib borayotgan har bir qiz, har bir juvon singari Toʻraxon bola koʻrishni xohlar edi. — M. Ismoiliy, Fargʻona tong otguncha
2. Oʻz xohishi bilan tanlamoq, rozi boʻlmoq (qiz yoki yigit haqida).
[Ona qiziga:} Unga yoʻq deysan, bunga yoʻq deysan, kimni xohlaysan oʻzi? Yo bironta bilan gap berib yuribsanmi? — Yoshlik
Men Azimjon akamni xohladim, yaxshi koʻraman, tegmasam oʻlaman degani yolgʻon ekan-da? — M. Ismoiliy, Fargʻona tong otguncha
- Xudo xohlasa Gap boshida qoʻllanib, muayyan niyat albatta amalga oshsin, degan mazmunni bildiradi. Xudo xohlasa, oʻzingiz yor-yor aytib, goʻshangaga oʻzingiz olib kirasiz. — X. Toʻxtaboyev, Shirin qovunlar mamlakati