Қидирув

фл. 1. Кўп (анча) вақт ўтказмоқ (ўтмоқ).

Узоқламай Нормуҳаммад қушбеги Қўқондан бош тоблаб, ўз олдига мустақил ҳукумат эълон қилган бўлди. — А. Қодирий, Ўтган кунлар

2. айн. Узоқлашмоқ.

Дилбар, гўё ўз номини унутгандек, орқасига қарамай узоқлаб кетди. — Гулдаста

Икромжон шовуллаб турган кимсасиз тўқай ичида анча узоқлаб кетган эди. — С. Аҳмад, Уфқ

фл. Узоқламоқ феълининг мажҳул нисбати.

фл. айн. Узоқламоқ феълининг орттирма нисбати, узоқлаштирмоқ.

removal, moving off, removal

фл. 1. Бирор кимса ёки нарсадан нари (узоқ) кетмоқ; йироқлашмоқ.

Зайнаб орқасига қарай-қарай, Отабекдан узоқлашди. — А. Қодирий, Ўтган кунлар

Чойхўрлар бирин-кетин ўринларидан туриб, Ойқизнинг кўзидан узоқлашишга шошилар эдилар. — Ш. Рашидов, Бўрондан кучли

2. кўчма Қариндошлик, қадрдонлик, яқинлик алоқаларини сусайтирмоқ ёки ёʻқотмоқ; борди-келди қилмай қўймоқ; бегоналашмоқ.

У [Мирзакаримбой] ўз ичида ўйлади: Онасининг узоқлашиб кетган тоғасини йигит бекорга ёʻқлаб келадими? — Ойбек, Танланган асарлар

Гавҳар бир нарсани тушунмасди: Одамлар ундан узоқлашяптими ё ўзи одамларга бегона бўлиб қоляптими? — Ў. Ҳошимов, Қалбингга қулоқ сол

Равшан эса лаҳза сайин бегоналашиб, узоқлашиб борар, ёнига ёʻлатмасди. — Ёшлик

alienation, estrangement