Қидирув

фл. 1. Қўлидаги бирор нарсани бошқа бир шахсга бермоқ, қўл чўзиб тутқизмоқ, бировга тутмоқ.

Чой узатмоқ. Гул узатмоқ.

Раъно китобни секингина ёпиб, Анварга узатди. — А. Қодирий, Меҳробдан чаён

Тамила унга сўрғич кийгизилган сутли шишани узатди. — Ў. Ҳошимов, Қалбингга қулоқ сол

Юзини рўмол билан тўсган бир аёл деразадан ош узатди. — С. Аҳмад, Ҳукм

2. кўчма с.т. Пора (пора тарзидаги нарса) бермоқ.

Унга бирор нарса узатмасангиз, ишингиз битмайди.

3. Бирор томонга ёʻналтирмоқ, чўзмоқ, ёзмоқ; ростламоқ (оёқни, қўлни).

Шерали дум-думалоқ қўлини Каримга узатди. С. Кароматов, Олтин қум. У иккала оёғини уза-тиб, ўзини уйқу ихтиёрига топширди. — Ф. Мусажонов, Ҳиммат

4. спрт. Ирғитиб, тепиб, иккинчи ўйинчига ўтказмоқ, етказиб бермоқ; оширмоқ (тўп, шайба ва шу кабиларни).

бир-бирларининг қарши ҳужумларини мустаҳкамлаб, тўпни қисқа ва аниқ узатиб ўйнар эдилар. — Газетадан

5. Маълум жойгача биргалашиб бормоқ, кузатмоқ.

Уни электр чироқли столба тагигача узатиб, сўнг хайрлашди. — П. Турсун, Ўқитувчи

Уста Олим Отабекни кўчагача узатиб чиқди. — А. Қодирий, Ўтган кунлар

6. Бирор манзилга ёʻлламоқ, жўнатмоқ.

Она бугун узатади ўз ўғлини фронтга. — Ҳ. Олимжон

Менгбой танишларини узатди, яна Ғаффор билан буфетга қайтиб кирди. — Ш. Холмирзаев, Оғир тош кўчса

7. Етказмоқ, етказиб бермоқ.

Хабарларни узатмоқ, Электр токини узатмоқ.

8. Турмушга чиқармоқ, эрга бермоқ.

Қиз бола ота-онага омонат, узатиб тинчий! — С. Зуннунова, Янги директор

Сиз узатишни хоҳламасангиз ҳам, балки у эрга тегишни хоҳлаб қолгандир. — Ў. Ҳошимов, Қалбингга қулоқ сол

Келин қилсанг — ёʻқдан қил, қиз узацанг — борга қил. — Қанотли сўзлар

фл. Узатмоқ феълининг биргалик нисбати.

Техник воситалар ва тарқалиш муҳити мажмуи. У аниқ частоталар кенглигида ёки аниқ тезликда тармоқ стансиялари, тармоқлар тугунлари орасида ёки тармоқ стансияси ёки тармоқ тугуни ва бирламчи тармоқнинг чекка қурилмаси орасида телекоммуникациялар сигналларини узатишни таъминлайди. Телекоммуникациялар сигналларини узатиш усулларига қараб, узатиш канали аналог ёки рақамли деб аталади. Телекоммуникациялар сигналларини узатиш тезлигига кўра, рақамли канал асосий, бирламчи, иккиламчи, учламчи, тўртламчи деб аталади.инглизчаtransmission channelрусчаканал передачи

Узатувчи фойдаланувчидан қабул қилувчи фойдаланувчига келаётган телекоммуникация сигналини қайта тиклаш даражаси.инглизчаquality of transmissionрусчакачество передачи

Алоқа соҳасидаги маълумотларни битлар ёки байтлар бўйича узатишда тизимнинг самарадорлигини белгиловчи фундаментал тушунча.инглизчаrateрусчаскорость передачи