Qidiruv

fl. 1. Biror narsaning harakatini qilmoq, unga kirishmoq (asosan, ovqat, taom bilan bogʻliq ish-harakatlar haqida).

Sanobarxon erta turib, tandir somsaga unnab ketdi. — Gʻayratiy, Yoʻqlov

Xosiyatxon, hech narsaga unnamang, men uzoq oʻtirmayman — R. Fayziy, Choʻlga bahor keldi

Sharifa oshxonada qozonga unnayotgan edi. — H. Olimjonov, Taqdir taqozosi

Yoshi qaytgan, xushfeʼl ayol ikki qizni ochiq chehra bilan kutib oldi. Darhol dasturxon yozib, ovqatga unnay ketdi. — Mirmuhsin, Ajrim

2. Harakat qilmoq, urinmoq.

Ming unnasalaring ham, azaliy doʻstlarni bir-biridan ajrata olmaysizlar. — Yo. Raimov, M. Rahmon, Hayot-mamot

Bulardan tashqari ham Xamsa yozmoqqa unnab koʻrgan shoirlar kam boʻlmadi — Gʻ. Gʻulom, Tarixiy munosabatlar

3. Teginmoq.

Bay-bay-bay, biram shirin unnadiki ogʻzimga. — Oybek, Ulugʻ yoʻl

Titkilab yurgan edi, uning qoʻliga etik unnadi. — Mushtum

ot 1. din. Hadislarda targʻib etilgan, ibodatda ham, muomalada ham qoʻllanuvchi amal.

Oʻgʻil bolani xatna qilish, uylanib oila qurish, farzandlarga yaxshi ism qoʻyish sunnat amallaridan sanaladi. — OʻzME

Ortiqcha mol-u dunyosidan xayr-u ehson qiladigan va sunnatga amal qilib, bidʼatlarga oʻtib ketmagan kishilarga qanday yaxshi! — Fan va turmush

2. Sunnat toʻyi Oʻgʻil toʻyi, xatna toʻyi.

Qiz chiqaradigan, oʻgʻil uylantiradigan, sunnat toʻyi qiladigan xotinlar oʻz toʻylarini Oʻzbek oyim kengashidan tashqari joʻnata olmas edilar. — A. Qodiriy, Oʻtgan kunlar

3. Sunnat (erkaklar ismi).

Movarounnahr, Transoxiana