Қидирув

от 1. физиол. Ташқи таъсирни сезиш, ҳис этиш, қабул қилиб олиш қобилияти; сезги.

Туйғу ёрдамида биз иссиқни ёки совуқни сезамиз.

Қуённинг туйғу аъзолари терида тамомланадиган нерв учларидан иборат. — Зоология

2. Руҳий ёки жисмоний кечинмалар, ҳис-туйғулар мажмуи; ҳис-туйғу, ҳис-ҳиссиёт.

Нафис туйғу. Ишонч туйғуси. Дўстлик туйғуси. Оғриқ туйғуси. Юракни ғаш қилаётган туйғу.

Рашк, менимча, мана шу ҳақоратнинг алами ва шундан келиб чиқадиган туйғу. — А. Қаҳҳор, Қўшчинор чироқлари

Отасининг салтанат олдида катта ҳурматга эга экани Бадианинг қалбига ҳам фидойилик туйғуларини солган эди. — Мирмуҳсин, Меъмор

Орага жимлик чўкиб, туйғуларни сўндирди. — К. Яшин, Ҳамза

сфт. 1. Тез сезиб, фаҳмлаб, пайқаб оладиган; сезгир.

Туйғун бола.

Ҳамза онасидек туйғун, ҳар нарсага қизиқувчи бола бўлган. — ЎТА

Бундай туйғун, бундай зийрак, бундай боадаб қиз етти иқлимда ҳам топилмайди. — Ойбек, Танланган асарлар

2. Туйғун (эркаклар исми).

сфт. Сезиш, ҳис этиш қобилияти кучли; сезувчан.

Нафис туйғули қиз.

сфт. Сезиш, ҳис этиш қобилияти ёʻқ ёки кучсиз; ҳиссиз, сезмайдиган.

Тебранолмай фақат мен ётаман Ўз ўрнимда ярим туйғусиз. — О. Юнус

от Ҳис ва туйғу; ҳислар, ҳиссиёт.

Ҳаёт воқеаларининг кучли таъсири остида қўзғалган ҳис-туйғу, ички кечинма, фикрларни ифода этувчи асарларга лирик асар дейилади. — Адабиёт назарияси

У чиндан ҳам Муҳаммаджонни ва ўзининг у ҳақдаги ҳис-туйғуларини яхши билмас эди. — П. Қодиров, Уч илдиз

Йиллар ўтган сари шоир ижодида фикрлар уфқи кенгайиб, ҳис-туйғулар тобора сержило бўлиб боради. — У. Норматов, Кўнгилларга кўчган шеърият