Поиск

ot 1. Sutkaning kun botishdan kun chiqqungacha, oqshomdan tongotargacha boʻlgan qismi.

Oysiz tun. Tun kapalagi. Oy tunda kerak, Aql kunda kerak. — Maqol

Ochil yarim tungacha koʻchalarda tentirab yurdi, yotoqqa borsa, yana tun boʻyi uxlay olmay chiqishini bilar edi. — P. Qodirov, Uch ildiz

[Nizomjon] Kechalari yulduz toʻla osmonga tikilib, tunni tongga ulab, qushlar nagʻmasidan, suvlar shildirashidan koʻngilga allaqanday yupanch izlardi. — S. Ahmad, Ufq

2. Tun qorongʻisi, qorongʻilik.

Bahor keldi, Tun bagʻrida Yarq etganday boʻldi nur. — E. Vohidov, Nido

Hali tong otmagan, kulrang osmon asta-sekin oqara boshlaganiga qaramay, xiyobonlar, koʻchalar, binolarning pastki qavatlari tun qoʻynida edi. — Oʻ. Umarbekov, Yoz yomgʻiri

Olis-olislarda yongan yulduzdek Dardim bilan singib ketdim men tunga. — X. Davron, Qaqnus

fl. 1. Biror joyda tunni uyqu bilan oʻtkazmoq, kechasi yotib qolmoq.

Xirmonda tunamoq.

Bozorni kutib, ikki-uch kun samovarda tunadik. — Gʻ. Gʻulom, Shum bola

[Yoʻlchi[ Baʼzan Qoratoyning ishxonasida, baʼzan choyxonada tunab yurdi. — Oybek, Tanlangan asarlar

Toʻgʻridan ham kichik buloq bor ekan. Karvon shu yerda tunadi. — M. Ismoiliy, Fargʻona tong otguncha

2. Bosqinchilik, oʻgʻrilik qilmoq (odatda, tunda).

Ular birinchi kuni Qoʻyliqqa yaqin joyda Zufar Gʻaynullinni tunab, kaltakladilar. — Gazetadan

Rahmat sheriklari bilan tunda fabrikadan kelayotgan I. M. ismli qizni tunab, jabrlab qochayotganlarida, qin-gʻir ishning qiyigʻi chiqib qoldi. — Gazetadan

sft. 1. Muomalasi qoʻpol, yoqimsiz, qoʻrs.

Tund, kamgap, keksa jarroh har bir soʻzni oʻlchaganday, ohista tushuntira boshladi. — Oybek, Navoiy

Karimjon, Manzura oʻylagandek, tund emas ekan. U shunday qiziq gaplarni topib gapirardiki, uning soʻzamolligiga Manzura qoyil qoldi. — Habibullo, Gʻuncha

Eson ustol [stol] yoniga borish bilan Saidiyning tund gapini eshitmagan, Saidiyni koʻrmagan boʻldi. — A. Qahhor, Sarob

2. Koʻrinishi, chehrasi sovuq, qiyofasi yoqimsiz.

Tund bashara.

Eshik ogʻa ikki bukilib taʼzim qilar ekan, yuzi tund koʻrindi. — P. Qodirov, Bobur

Ikki kunchadan beri tund boʻlib yurgan Yigitalining koʻngli yorishib ketganday boʻldi. — D. Nuriy, Osmon ustuni

Ertalab havo tund, osmonni past tushgan bulutlar qoplab olgan. — Sh. Xolmirzayev, Bodom qishda gulladi

1. Bakır, çinko ve kalay alaşımı, bronz.БРОНЗА

2. Tunçtan yapılmış olan.

túnde, keshte