ot 1. harb. Jang olib borish, dushman zarbalaridan saqlanish, yashirin harakat qilish uchun moslashtirilgan, atrofi tuproq koʻtarmali tor, uzun, chuqur zovur, xandaq.
Yoʻlning pastki tomonida vayrona stansiyalar uzundan-uzoq transheyalar stvollari yerga san-chilgan toʻplar ortda qolib borar edi. — Z. Fatxullin, Soʻnmas yulduz
U Vzvod kela qolsa edi, bularni ushlab olardik, degan xayolda transheyalar bilan vzvodga joʻnadi. — I. Rahim, Chin muhabbat
Har qadamda kalamushning uyasiga oʻxshagan okop, transheya. — A. Qahhor, Oltin yulduz
2. maxs. Biror maqsadda qurilgan, kovlangan zovur, chuqur.
Silos transheyasi. Poy-devor transheyasi. Vodoprovod quvurlari yotqiziladigan transheya.