фл. Тошмоқ феълининг орттирма нисбати.
Қидирув
«тоширмоқ» бўйича 68 та натижа: Ўзбекчадан
Филтр
Луғат тури
Луғат мақолалари
67 та
Изоҳли луғат
· яна 5 та луғатда
фл. 1. Қирғоқдан ошмоқ, қирғоқдан ошиб, атрофга ёйилмоқ, атрофни босмоқ.
Ҳовлига сув тошиб кетибди.
Ер ислоҳотидан кейин бир йил дарё тошиб, экинларнинг ярмидан кўпи нобуд бўлди. — А. Қаҳҳор, Қўшчинор чироқлари
Ҳовли ўртасидаги водопровод жўмрагидан сув шариллаб оқиб ётар, семент ҳовузча тўлиб чиқиб, ариқча четидаги барқ уриб ётган ўсмаларга тошиб кетганди. — Ў. Ҳошимов, Қалбингга қулоқ сол
2. Ўз қобиғи, идиш ва шу кабилардан тўлиб, ортиб, сиртга чиқмоқ.
Олияхон ташқари эшикдан ҳовлига кириши билан дарҳол қозон-да тошаётган сутга кўзи тушди. — Н. Сафаров, Олияхон Султонова
Олов четига қўйилган қора қумғон шақиллаб қайнаб тошди. — Ойбек, Танланган асарлар
Вали ака етилган, у ер-бу ерда чаноқлардан тошиб чиқиб тўкилган оппоқ пахталарга шукроналик билан қараб қолди. — М. Исмоилий, Фарғона тонг отгунча
тоғорадан тошиб чиққан хамир сингари тиззаларига оқиб тушган каттакон қорни — М. Исмоилий, Фарғона тонг отгунча
3. кўчма Жўш урмоқ, ошиб кетмоқ.
Ғазаби тошди.
Тўламат полвоннинг кўзлари чақнаб, ғайрати тошиб кетди. — С. Анорбоев, Оқсой
Севинчим тошарди қалбимга тўлиб — Ё. Мирзо
4. кўчма Тутақишмоқ, қизишмоқ.
Эримдан ўқишга розилик беришини илтимос қилдим. Ўша пайтда Эргаш акамнинг тепа сочи тик бўлиб бирпасда кўпириб тошди-кетди. — Б. Файзиев, Ойдин кечада
5. Баданда пайдо бўлмоқ, юзага тепмоқ, чиқмоқ.
Боланинг баданига қизамиқ тошибди.
Лабларига тошган учуқ ҳали ростмана қайтмаган бўлса-да, иситмаси пасайган эди. — Р. Раҳмонов, Чангалзордаги шарпа
Нарига тарафда ўтирган бир семиз кишининг рангида қон қолмади, оппоқ оқариб, юзларига тер тошиб кетди. — Н. Фозилов, Дийдор
- Ошиб тошмоқ Гулнор уйни йиғиштирар экан: Бойнинг феъли яхшиланибди, илгари зиқна эди Бойлиги ошиб тошиб кетди, дерди дадам деб ўйлади. — Ойбек, Танланган асарлар
- Тўлиб тошмоқ 1. Лиммо-лим тўлиб, қирғоғидан ошмоқ, ҳу-дудига, чегарасига сиғмай қолмоқ. Ҳасрат-ла тўлиб тошган Уларнинг синиқ жоми. — ҒайратийЎрмонжон хўп ҳам тўлиб тошиб юрган экан, юрагини роса бўшатди. — А. Қаҳҳор, Қўшчинор чироқлариҚўлёзмада хатолар тўлиб-тошиб ётибди.
- Юраги (ёки ичи) тошди Жуда зерикди, юраги сиқилди, хит бўлди. Тожибой таажжубда қолиб, бошини ликиллатди: — Бир ўзингиз-а? Ёпирай! Миянгиз ачиб, юрагингиз тошиб кетмайдими? — П. Турсун, ЎқитувчиМенинг имиллаганимни кўриб, болаларнинг ичи тошиб кетди. — Ҳ. Назир, Чўл ҳавоси
- Қайнаб тошмоқ Жапақнинг миясида саволлар қайнаб тошди. — А. Мухтор, Қорақалпоқ қиссаси
- Лабига учуқ тошмоқ Ўта даражада қўр-қувга тушмоқ (бундай ҳолларда гўё лабга учуқ тошади). Барги зубтурумдай титрашиб, лабига учуқлар тошиб, миршабнинг каттаси отидан тушиб, қиличини яланғочлаб, момонинг қошига борди. — ГулихиромонПахта териш машинаси деса, лабига учун тошадиган баъзи қайсарлар ҳам ҳайрат бармоғини тишлаб қолди. — Муштум
Ўзбекча-туркча изоҳли луғат
· яна 6 та луғатда
Қаттиқ, мўрт тоғ жинсларининг умумий номи.TAŞ
Изоҳли луғат
· яна 5 та луғатда
от 1. Жун, пахта сингари юмшоқ нарса солиб тикиб тайёрланган, ётиш, ўтириш учун тўшаладиган буюм, анжом.
Пар тўшак. Жун тўшак. Духоба жилдли тўшак. Ўз уйим —ўлан тўшагим. — Матал
Дилшод токча ёнидаги тўшакка ўтирди. — М. Исмоилий, Фарғона тонг отгунча
Тўй учун янги кўрпалар қопламоқчи бўладилар, пар тўшаклар олмоқчи бўладилар. — А. Қодирий, Ўтган кунлар
2. Ётиш учун солинган ўрин; ост ва устга ташланадиган (солинадиган) нарса.
Чала ечиниб, юпқа тўшакка кирдим. — С. Сиёев, Ёруғлик
Топ уйни тўлдирган аҳил, тинч уй-қу оғушидан ҳаммалари бир зумда, гўё тўшакни олов қамрагандай сакраб турдилар. — Ойбек, Қуёш қораймас
Зуҳра бегим олти йилдан бери тўшакда ёлғиз ётади. Унинг гулдай умри беваликда сўлиб боряпти. — П. Қодиров, Юлдузли тунлар
3. шв. Кўрпача, пояндоз.
- Ўлим тўшаги Соғайиши гумон, ўлими муқаррар бўлган бемор ётган тўшакни қайд этади. Одатда, ўлим тўшагидаги бемор ётган хонада шунақа жимлик бўлади. — Ў. Ҳошимов, Қалбингга қулоқ солУ [Саъди Махсим] ўлим тўшагида ётганида ҳам ҳазилини қўймаган эди. — Т. Обидов, Юсуфжон қизиқ
Изоҳли луғат
· яна 2 та луғатда
сфт. 1. Таркибида, ичида тош бўлган.
Тошли тупроқ. Тошли ер.
2. Тузилишида қимматли тош бўлган.
Ўн беш тошли соат.
Изоҳли луғат
· яна 1 та луғатда
от Ташқи таъсир (иссиқ, совуқ, ишқор, кислота) ёки ички сабаблар (касаллик, модда алмашинувининг бузилиши ва бошқалар) натижасида баданда, шиллиқ пардаларда пайдо бўладиган хол-хол доғлар, пуфакчалар, чиқиқлар.
Терлама тошмаси. Қизамиқ тошмаси.
Пенициллиндан билар-билмас фойдаланиш натижасида тери-да ҳар хил тошмалар, шиш пайдо бўлади. — Газетадан
Таърифлар ичида
1 татоширтир Тоширмоқ феълининг орттирма нисбати.