фл. 1. Кимсанинг ўз қўлига ёки ихтиёрига бермоқ.
Хатни эгасига топширмоқ. Китобларни кутубхонага топширмоқ.
Чол каловланиб ўрнидан турди: — Юрақол, қизим, ман сани кампирга топшириб чиқай. — Ойбек, Танланган асарлар
Сарбозлар шайхга кишан калитини топшириб, от чоптириб кетдилар. — С. Сиёев, Аваз
Қизилқумдан кийик боласи келтириб, ҳайвонот боғига топширибди. — Ҳ. Назир, Ёнар дарё
2. Ўз қўлидаги, ихтиёридаги нарсани кимсага келтириб бермоқ, ўтказмоқ.
Давлатга пахта (пилла, ғалла) топширмоқ.
— Сиз учун, Эргаш ака, — деди, — бир бешотар топиб бераман. Бу менинг ўзимники, ўз яроғларимни топширганда, комиссия раисидан ўзимни қўриқлаш учун, деб тилаб олиб эдим. — С. Айний, Қуллар
3. Зиммасидаги иш, лавозим ва шу кабиларни бермоқ, ундан кечмоқ, холи бўлмоқ.
Раисликни топширмоқ. Мудирликни топширмоқ.
— Ҳозир сменани топшираман, — деди кондуктор, — бизникига борамиз. — Гулдаста
4. Бирор гап-сўз, хабар ва шу кабиларни ўз эгасига етказмоқ, маълум қилмоқ.
Дўстларнинг саломини топширмоқ.
У овқатланиб бўлгач, Роҳат хола наказларни оқиз-май-томизмай топширди. — Гулдаста
У [хотин] супага яқинлашгач, Ёʻлчи ўрнидан туриб салом берди ва онасининг саломини топширди. — Ойбек, Танланган асарлар
5. Иш-вазифа юкламоқ, буюрмоқ.
Ўтар бобо ўғилларига иш топшириб бўлиб, Авазга ўгирилди: — Сен Аҳмаджон оғангни чорлаб келасан. — С. Сиёев, Ёруғлик
Меъмор ювиниб, намозни ўқиб олгач, ҳовлига чиқди. Нонуштага ҳозирлик қилишни шогирдларига топширди. — Мирмуҳсин, Меъмор
Энди забастовкалар-у митинг-питингларни тарқатиш билан овора бўлиб юрманг, бу ишни бошқаларга топшираман. — К. Яшин, Ҳамза
- Имтиҳон топширмоқ Бирор фан, унинг соҳаси юзасидан сўроқ-саволларга жавоб бериб синовдан ўтмоқ. Насиба кузда ҳамма фандан аълога топширмаса, ёʻл қўймайман. — А. Қаҳҳор, Оғриқ тишларЧарос билан охирги марта кўришганидан буён ўтган бир ярим ой ичида эсдан оғиб қолмаганига, қишки имтиҳонларини қандоқ топширганига ўзиям ҳайрон бўлди. — Ў. Ҳошимов, Қалбингга қулоқ сол
- Омонатини топширмоқ Жон таслим қилмоқ, оламдан ўтмоқ; ўлмоқ.
- Тупроққа топширмоқ Дафн этмоқ. Тупроққа топширдик биз жўрамизни — Х. Даврон, Болаликнинг овозиака-ука Умар полвон билан Рустамжонлар ҳам қийноқда жон берган оталарини она тупроққа топшириб, кўплар қатори мардикорга сафар жабдуғини ноилож ҳозирлашди. — К. Яшин, Ҳамза