fl. 1. Toʻgʻri shaklga yoki holga keltirmoq, toʻgʻri, adil, tik qilmoq.
Simni toʻgʻrilamoq. Daryo oʻzanini toʻgʻrilamoq. Egilgan oʻqni toʻgʻrilamoq. Egri bitganni el toʻgʻrilaydi. — Maqol
— Dardingizga davo men-da! — u qaddini toʻgʻrilab yana jilmaydi. — Oybek, Tanlangan asarlar
2. Xato, nuqson va shu kabilarni yoʻqotmoq, tuzatmoq.
Imlo xatolarini toʻgʻrilamoq. Talaffuzni toʻgʻrilamoq. Soatni toʻgʻrilamoq.
Gulnor aytganiga pushaymon qildi, xatosini toʻgʻrilash uchun soʻzlamoqqa majbur boʻldi. — Oybek, Tanlangan asarlar
3. Tegishli vaziyatga keltirmoq, tartibga solmoq, tuzatmoq.
Yoqangni toʻgʻrilab ol.
Anvar qizning yuzidan oʻpdi va uning toʻzgʻigan sochlarini toʻgʻrilab, hayotbaxsh kokillarning muattar boʻyini uzoq hidladi. — A. Qodiriy, Mehrobdan chayon
4. Biror tomonga qaratmoq, roʻpara qilmoq; yoʻnaltirmoq.
Projektorlarni samolyotga toʻgʻrilamoq.
Chol u yoq-bu yoq surib oʻrtadagi xodani xayol qilingan ip yoʻliga toʻgʻrilab qoʻydi. — M. Ismoiliy, Fargʻona tong otguncha
Gulnor umrimga egov boʻldi. Yana u Mirzakarimboy xonadoniga boshlik boʻlib kekkaysin, hech kim bilan soʻzlashmasin, tugʻsin, boylikning nishabini oʻz tomoniga toʻgʻrilasin. — Oybek, Tanlangan asarlar
U xayol surarkan, kimningdir koʻli yelkasiga qoʻyilganini sezib, darhol orqasiga burildi va yuzini yuziga toʻgʻrilab turgan Lolani koʻrdi. — Sh. Rashidov, Boʻrondan kuchli
Birov yoshga tegadi, birov boshqaga. Xudo yulduzingni oʻshanga toʻgʻrilagan ekan, choramiz yoʻq. — Oybek, Tanlangan asarlar
5. s. t. Epini, ilojini qilib bitirmoq, yuzaga keltirmoq, muhayyo qilmoq; eplashtirmoq.
Mushkul ishni toʻgʻrilamoq.
Bu haqda tashvish qilmang, oʻzimiz toʻgʻrilaymiz.
Ho-zir sekretarning oldiga tushgin, u hammasini toʻgʻrilab beradi. — Oydin, Uyaldi shekilli, yerga qaradi
Nainki, amirzoda, bu ishni ustod Qavomning bir ogʻiz soʻzi bilan ham toʻgʻrilamoq mumkin — Mirmuhsin, Meʼmor
- Kavushini toʻgʻrilab qoʻymoq Kavushini toʻgʻrilab qoʻyish kerak, kuralishni ham, kollektivni ham sariq chaqaga sotadi bu. — A. Muxtor, Tugʻilish