от Тикка бўлиш ҳолати.
Қидирув
«тиккалик» бўйича 8 та натижа: Ўзбекчадан
Филтр
Тилга
Луғат мақолалари
8 та
Изоҳли луғат
· яна 5 та луғатда
сфт. 1. Юқорига ёки пастга тик ёʻналган; тик, вертикал.
Тикка қоя. Тикка ўсган дарахт. Тутун тикка кўтарилмоқда. Найза ерга тикка санчилди.
Ариқ қазувчилар эртасига келиб қарасалар, тикка жар ўпирилиб тушиб, ариқлари кўмилиб, теп-текис бўлиб қолибди. — С. Анорбоев, Оқсой
Қайнаб чиқар нефт булоқлари, Фонтан бўлиб отилар тикка. — Ё. Мирзо
Қўрбоши кулиб юборди. Унинг амри билан полвон яна илгариги жойига келиб, чатаноғини кериб, тикка турди. — А. Қаҳҳор, Кўр кўзнинг очилиши
2. Ердаги маълум нуқтага нисбатан вертикал ёʻналишдаги тепа жой.
Кулранг осмоннинг олис-олис бурчларида юлдузлар мил-тиллайди. Ҳов ана, тиккада ёрқин бир юлдуз — тонг юлдузи порламоқда. — Ҳ. Ғулом, Сенга интиламан
У [Раҳим Саидов\ пастга тушди. Кун тиккага келган, кўча ёнарди. — Ў. Умарбеков, Ёз ёмғири
3. Тўппа-тўғри ёʻналган; у ёқ-бу ёққа бурилмайдиган, оғмайдиган; адил, тўғри.
Узун ғиштин ёʻлка дарвозахонадан бошланиб, чорбоғни тикка кесиб ўтади. — Ҳ. Ғулом, Бинафша атри
Мастон иланг-биланг ёʻлни қолдириб, мўлжалланган тепаликка қараб тикка ёʻл солди. — А. Қаҳҳор, Мастон
4. кўчма Тап тортмасдан, қўрқмасдан; дадил, тик.
Бетига тикка айтмоқ. Тикка олишмоқ.
Ёвга қарши тикка босиб борганман. — Т. Тўла
Нега сен менга тикка гапирадиган бўлиб қолдинг — ? Мирмуҳсин, Умид
Бу гапни ғар ҳам кўтара олмас, тикка юлишар эди. — А. Қаҳҳор, Қўшчинор чироқлари
- Тепа сочи тикка бўлмоқ Туроб-жоннинг тепа сочи тикка бўлди: — Ҳай, сенинг димоғ-фироғинг кимга, хўш, нима дейсан? А. — Қаҳҳор, Анор
Изоҳли луғат
· яна 3 та луғатда
рвш. 1. 1 У ёқ-бу ёққа бурилмасдан, тиккалаб, тикка; тўппа-тўғри.
Чўққига тиккасига чиқмоқ. Дала ўртасидан тиккасига ёʻл солмоқ.
2. Айн. тикка 3, 4.
Зайнаб яна кўзида ёши, Ва туташиб ичи ва таши, Ғазаб билан ўрнидан турди, Тиккасига ичкари юрди. — Ҳ. Олимжон
Изоҳли луғат
· яна 1 та луғатда
фл. Тик ҳолатли бўлмоқ, тикка бўлмоқ.
Тепа сочи тиккайди. Қулоқлари тиккайди.
Илон изи каби буралиб оқаётган Сирдарёнинг ўнг қирғоғидаги кенг қирда тиккайган дарахт кўринмайди. — Ойдин, Фарҳодлар
Меҳриой дугонасининг елкасига суяниб турганидан, сочидаги лентасининг учи тиккайиб қолган эди. — Ҳ. Нуъмон, Фасллар
- Сочи тиккаймоқ Комила раис ҳақида бир нима деб ачитиб олди шекилли, Шамсиевнинг сочи тиккайиб, зарда билан трубкани қўйиб қўйди. — Муштум
Изоҳли луғат
· яна 1 та луғатда
фл. 1. Тик турмоқ.
2. Тепага қараб ҳаракатланмоқ.
фл. Тиккаймоқ феълининг орттирма нисбати.