фл. 1. Текширмоқ, назорат қилмоқ; таъқиб остига олмоқ, кузатмоқ.
Хизиров кибрлик билан: — Маорифнинг ишини тергай олмайсиз. Нима қилсам, ўзим биламан, — деди. — П. Турсун, Ўқитувчи
[Мастура:] Шоҳ бўлсанг, сабаб ўғирлик қилган фуқароларингни тергамайсан? — А. Қаҳҳор, Башорат
Чол болаларнинг ножўя ҳаракатларини тергаб, мудирга етказиб турар эди. — П. Турсун, Ўқитувчи
Ҳаммага адолат қилдинг, Қорахон, Тергамадинг бузуқ, баттол қизингни. — Равшан
2. Ножўя ҳаракатларини назоратда тутиб, ундан тийиш хатти-ҳаракатларини, ёʻлларини қилмоқ; ёмон ёʻлдан қайтариб турмоқ.
Мен сизга ўғилман, фарзандингизман. Уришишга, сўкишга, тергашга ҳаққингиз бор. — С. Аҳмад, Қадрдон далалар
Қайлиқ сизники бўлгандан кейин, тергаш, тийиш ҳам сизникидир. — М. Исмоилий, Фарғона тонг отгунча
3. ҳуқ. Тергов қилмоқ; тергов, сўроқ қилиб аниқламоқ.
Қўрбоши эса Отабекнинг устида ҳали бунчалик тергашлар борлиги учун ўзини бир оз тўхтатиб қолди. — А. Қодирий, Ўтган кунлар