Қидирув

фл. 1. Аниқ бир мақсадсиз кезиб юрмоқ, бекорга санқиб, вақт ўтказмоқ, кезмоқ.

У [Ёрмат] бутун кун куйиб-ёниб, боши оққан ерларда жиннилардай тентираб, хуфтон вақтида бойникига санқиб келиб қолди. — Ойбек, Танланган асарлар

У кўп тентираб чарчагани устига, синглисини узоқ ёлғизлатиб қўйганидан хижолатда эди. — Ҳ. Назир, Сўнмас чақмоқлар

Кун бўйи тентирагани тентираган. Ҳўкиздай йигит бўлиб қолганидан хабари ёʻқ. — Э. Раимов, Ажаб қишлоқ

2. Сарсон-саргардон бўлмоқ, саргардонликда юрмоқ.

Сенларнинг зулмингдан қанча одамлар тентиради. Ўз қишлоғига ўзи сиғмади. — П. Турсун, Ўқитувчи

Ахир, нима дейсиз, очмиз демай, совуқмиз демай, кетингизда бир йил тентирадик. Ҳ. Аҳмар, Ким ҳақ?

3. кўчма Кезмоқ, эсмоқ; изғимоқ.

Даштнинг салқин шамоли тентираб, чодирнинг ипагини енгил мавжлантиради. — Ойбек, Навоий

Ер устида булутлар сояси тентираб қолди. — М. Мансуров, Ёмби

4. шв. Чарчаш, касаллик ва шу кабилар натижасида чайқалиб юрмоқ, гандиракламоқ.

У [Саидий] маст кишидай тентирар эди. — А. Қаҳҳор, Сароб

У [Мухторхон домла] ярим ёʻлгача чамадонларни озод кўтариб, бардам қадам ташлаб борди-ю, ундан нари ранги оқариб, тиззалари қалтираб, тентирай бошлади. — А. Қаҳҳор, Тўйда аза

Майдон бирдан қўзғалди. Бошига қон қуйилган, кўзлари қип-қизил одамларнинг қад кўтарганлари тентираб кетди, белини ёзолмаганлари қичқириб юборди. — А. Мухтор, Чинор

5. шв. Нима қилишни билмай қолмоқ, ўзини ёʻқотиб қўймоқ; саросимага тушмоқ; эсанкирамоқ.

Жанжалнинг фойдаси шундан иборатки, Эҳсон енгилса, тентирайди, ёрдам берадиган киши излайди. — А. Қаҳҳор, Сароб

фл. Тентирамоқ феълининг орттирма нисбати.

от Тентирамоқ феълидан сифатдош.

фл. Тентирамоқ феълининг биргалик нисбати.

от 1. Тўғри фикр юрита олмайдиган, ақли норасо, эси паст.

Тентак бола. Тентак тўрини бермас. — Мақол

Равшанбек шу ерда қип-қизил тентакка чиқиб қолди. — Равшан

2. Ақлдан озган, телба, девона; жинни.

Олти ойда Марям тентак бўлганмиш, Эшон эшигида шўрлик ўлганмиш. — М. Алавия

Қишда ялангоёқ юрган кишини кўрганлар уни, албатта, тентак бўлса керак, деб ўйлайди. — Фан ва турмуш

Ҳамшира Аҳмадга тентакларга қарагандек назар ташлади. — Ф. Мусажонов, Ҳиммат

3. Шундай шахсга нисбатлаб, одатда ўз яқин кишисига қарата (эркалаш, енгил ҳазил билан) айтиладиган сўз.

-Дарров бўл. тентак! — деди кулиб Толиб. — Ҳ. Шамс, Душман

— Вой тентагим-ей. дўстнинг дўстлиги киши бошига кулфат тушганда билинади, қизим! — С. Анорбоев, Оқсой

— Тентак! — деди Адолат ҳам жаҳл, ҳам эркалаш билан — С. Зуннунова, Гулхан

4. кўчма кам қўлл. Жиловланмаган, асов, телба.

Тентак дарё.

Мен сувингдан куч олсам, Тентак елдан ўч олсам. — З. Диёр

Гоҳида ўшандоқ тентак хаёллар Сендан воз кечмак-ка қистайди ҳаргиз. — Р. Парфи

от Тентакка хос иш, хатти-ҳаракат.

Азизим, мен тентаклик қилиб уйдан кетганим ёʻқ. — Саодат

Бойлик билан иши бўлмаган Аҳмадга Қаюмхоннинг керилиши тентакликдек туюлди. — Ф. Мусажонов, \им-мат