Поиск

fl. 1. Taroq yoki boshqa biror narsa bilan soch, soqol va shu kabilarning chigilini yozmoq, tekislamoq.

Shundan keyin sochlarini bir tomonga silliq taragan tilla tishli yigit qoʻl koʻtardi. — N. Aminov, Suvarak

Otam oʻylanib qoldi. Soqolini barmoqlari bilan taradi. — Oydin, Sadagʻang boʻlay, komandir

Qorongʻida sokin turgan otning boʻynidan quchoqladi, barmoqlari bilan yolini taradi. — Oybek, Tanlangan asarlar

2. q. x. Ariq-joʻyaklarga suvni bir meʼyor-da taqsimlab oqizmoq, taratmoq.

Joʻyak olingan joylarda tajribakor suvchilar chanqagan gʻoʻzalarga suv tarardilar. — Sh. Rashidov, Boʻrondan kuchli

Shermat ota ikki gektarlik kartaga suv tarab boʻldi-da, egatlarni koʻzdan kechirib, oʻqariq boʻyiga chiqdi. — H. Nuʼmon, Fasllar

3. koʻchma poet. Yoymoq, sochmoq.

Qorli togʻlar orqasidan Atlas sochin tarab quyosh, Goh moʻralab, oʻynatar qosh, Xanda sochar dudogʻidan. — Gʻayratiy

fl. 1. Taramoq 1, 2 feʼllarining majhul va oʻzlik nisbatlari.

Suv hamma egatga baravar taraladi.

Oʻrmonjon shoshib chiqib ketdi va biron soatdan keyin ozgʻin, sochi oʻng tomonga juda hafsala bilan taralgan yoshgina bir yigit bilan kirib keldi. — A. Qahhor, Qoʻshchinor chiroqlari

2. Yoyilmoq, tarqalmoq.

Qaysi bir uzun quloq orqali bu gap qamish toʻzgʻogʻiday taralib ketdi. — H. Nazir, Oʻtlar tutashganda

Kumushbibi boshlovchi qizlar bilan uyga kirdi, undan taralgan atir islari bilan uy toʻldi. — A. Qodiriy, Oʻtgan kunlar

Oʻn ikki oʻgʻil-qizli ota-onaning dongʻi butun mamlakat boʻylab taraldi. — R. Fayziy, Shohi darparda

3. Har tomonga ketmoq, tarqalmoq.

Azizlar musiqiy asboblarni quchoqlab, qoʻrqa-pisa, gʻing demasdan, har yoqqa taraldilar. — Oybek, Navoiy

Chipor tovuq ham zoʻr tashvish bilan qaqagʻlab, taralib yurgan joʻjalarini qanoti ostiga chaqirardi. — A. Muhiddin, Otash qalbli qiz

ot Begʻam-betashvish aysh qilib yurish; shu tarzdagi xursandchilik, gasht.

Toʻy boʻlsa, sizga nima gʻam, ayajon? Siz ham tarallani vang qoʻyib yuravermaysizmi? — Hamza, Boy ila xizmatchi

Oʻynab-kulib, tarallangni tortib yuraver. Senga churq etadiganning boshi oʻnta. — Gʻ. Gʻulom, Shum bola

Qurilish rahbarlari esa parvoyi palak. Boʻlsa boʻlar, boʻlmasa gʻovlab ketar, deb tarallani vang qilib yurishibdi. — Mushtum

shaǵal máslik, waqtıxoshlıq, kewil kóterishilik

Begam-betashvish aysh qilib yurish; xursandchilik, aysh.KEYFİNCE YAŞAMA

fl. Taralmoq feʼlining birgalik nisbati.