Поиск

sft. 1. Oʻzgalarga yordam, sarf va xizmatini ayamaydigan, mard; koʻngli va qoʻli ochiq.

Boy va tanti kuyov xarajatlarning yirik va maydaligini surishtirmay, choʻntaklaridan dasta-dasta pul chiqarar edi. — Oybek, Oltin vodiydan shabadalar

Bu tanti yigit oʻz oʻrtogʻi Nizomiddinning zindonda yotishiga aslo yoʻl qoʻymaydi, deb hisoblardi u. — Mirmuhsin, Meʼmor

Tanti, lekin bizga emas Ziyofatlarini yegan odamlar unga Tanti ot qoʻyishgan. — Oybek, Tanlangan asarlar

2. Aldam-qaldam, gʻirromligi yoʻq, oʻzaro munosabat, bellashuv va shu kabilarda halol.

Azim tajang qimorboz edi, shuning uchun ham har bir qimorboz singari mard, tanti. — M. Ismoiliy, Fargʻona tong otguncha

Tanti boʻlib urushaylik, deb Arza beklarga koʻrsatdi. — Gulixiromon

3. koʻchma Saxiy, halol.

Mana qator-qator karvon kelar Goʻzal Fargʻonaning tanti yeridan. — Nazarmat, Joʻrlar baland sayraydi

Oʻktam ham Oʻsarjonga qarab, salmoqlanib dedi: — Xullas kalom, mehnatni ayamanglar, ana unda bu joy xiyla tanti boʻladi. — Oybek, Oltin vodiydan shabadalar

sft. 1. Ortiq erkalatib, taltaytirib yuborilgan, taltaygan.

Mohim—Xorazm xoni Allomatxonning yagona tantiq qizi, 18 yoshda. — S. Abdulla, Tohir va Zuhra

2. Boʻlmagʻur qiliqlar qiladigan, qiliqlari kelishmagan, bemaʼni.

[Saidalimxon] Oʻlgudek tantiq. Agar bir erkalanishga tushib ketsa, kishi qilmagan qiliqlarni qiladi. — Oydin, Hazil emish

ot 1. Muhim voqea, hodisa va shu kabilar munosabati bilan oʻtkaziladigan, oʻyin-kulgi, xursandchilik ruhida davom etadigan yigʻin, marosim.

Bayram tantanalari. Yangi yil tantanalari.

Tantana, hashamatni sevgan Husayn Boyqaro uyni toʻldirgan va ulugʻvor taʼzim bilan oʻtirgan olomonga faxrlanib qaradi. — Oybek, Navoiy

Qahramonning qishloqqa qaytib kelishi katta tantanaga aylandi. — Nazar-mat, Joʻrlar baland sayraydi

May — bahor erkasi, gʻalaba ramzi, Shahar, qishloqlarda tantana, bayram. — R. Bobojon

2. Biror maqsad, faoliyat yoʻlidagi gʻalaba, muvaffaqiyat va uning ifodasi.

Oybek inson aql-idrokining, adolat va baxt-saodatning tantanasi yoʻlida gʻoyat ulkan ijodiy jasorat koʻrsatdi. — Gazetadan

Tinchlik uchun kurash, gumanistik gʻoyalar tantanasi uchun kurash ishiga yoshlar ham oʻz hissalarini qoʻshmoqdalar. — Gazetadan

Bu qarashda Zebi qandaydir zaharli tantanani sezib, uning maʼnosiga tushundi. — Sh. Rashidov, Qudratli toʻlqin

3. Toʻy, xursandchilik yigʻini, marosimi kabilarga oid xatti-harakat, shodiyona ishlar.

Qizidan xabar topib kelgan Yormat uni Shoqosimning kulbasidan tortib olib ketgach, boy hovlisida toʻy tantanalari bosh-landi. — Oybek, Tanlangan asarlar

Uyda gʻalati bir tantana hukm surardi. — S. Zunnunova, Yangi direktor

4. Gʻolibona, koʻtarinki kayfiyat.

Hozir u mamnuniyat va tantana bilan kulumsirab, Mahkamning yaxshi voleybolchi ekanini aytdi — P. Qodirov, Uch ildiz

Suyar oʻzining quvonchini tantana bilan eʼlon qildi: — Bugun instruktorimizni qoldirdim, dada! — A. Qahhor, Asarlar

ot Tanti odamlarga xos ish, xatti-harakat. Yigit koʻrki esa mardlik, tan-tilik. Mirtemir.

Tantilik shunday boʻlsin: Har kim yiqilsa, shu oʻlsin, Yiqitgan alp tirik qolsin. — Erali va Sherali

[Tantiboyvachcha] Gulandomga suykaladi, uning atlas koʻylagi ostida balqib turgan koʻkragini oʻynaydi. Keraksiz boʻlsa ham, tantilik uchun har xil ovqatlar, ichimliklar buyurdi. — Oybek, Tanlangan asarlar

sft. 1. Tantanaga ega, tantana ruhidagi, tantana bilan boʻladigan.

Oʻshdagi qarorgohda bu oqshom sizlarning sharafingizga tantanali ziyofat berilur. — P. Qodirov, Yulduzli tunlar

Trestdagilar ilgʻor binokorlar qatori Yodgorni ham tantanali kechaga taklif qilishdi. Oʻ. — Hoshimov, Qalbingga quloq sol

2. Tantana ifodalovchi.

Goʻyo ulugʻ bir hodisa sodir boʻlishi kutilayotgandek, yer-u koʻk tantanali qiyofa oldi. — S. Anorboyev, Oqsoy

— Aha, demak, hali topganingiz yoʻq, — dedi Ismoil tantanali bir ohangda — Oybek, Nur qidirib

3. Asʼasa-dabdabali, koʻtarinki ruh bilan.

Nikoh toʻyi favqulodda suronli va tantanali boʻldi. — Oybek, Tanlangan asarlar

Saidgʻozi bu soʻzlarni ogʻzini toʻldirib, alohida rasmiy tusda gapirgani uchun tantanali jaranglardi. — S. Anorboyev, Oqsoy

ot Tantiq, erka shaxslarga xos qiliq, xatti-harakat, xislat.

Boyadan beri tantiqliklaridan ichida kulib kelayotgan Hafiza oʻzgardi — Mirmuhsin, Umid