Қидирув

сфт. 1. Бошқа кимсадан, нарсадан холи, якка, ёлғиз.

Ҳамма ёқни сақлар муз тоғидан ғов, Жимликка тикилган бир танҳо ўтов. — Ғ, Ғулом

Қиз билан йигит суҳбатининг танҳо гувоҳи — осмонда сузиб юрган ой қаршисидаги қора булут парчасига айёрларча секин кириб яширинди. — Ф. Мусажонов, Ҳури

Уйқум қочгач, кўчаларни танҳо айланиб, ширин орзулар оғушида тонг отгунча кезиб юргим келарди. — О. Ёқубов, Икки муҳаббат

2. Кимсасиз, ҳеч ким ёʻқ.

Танҳо кечада фарзанд билан ота ўртасида бўлиб ўтган у учрашувни фақат кўкда сузиб юрган ойнинг кемтик ўроғи кузатиб турарди. — С. Аҳмад, Қадрдон далалар

3. Бирор жиҳатдан якка-ю ягона, тенги, ўхшаши ёʻқ.

Гилос ширинми ё сен! Ширинликда танҳо сен. — Р. Бобожон

Ҳусн бобида танҳо десам, ҳунар бобида ҳам танҳо экансан. — Ў. Умарбеков, Одам бўлиш қийин

4. кўм. взф. Айириш, чегаралаш билдиради; фақат.

У даргоҳда ранг бор, олов бор, Танҳогина сен ёʻқсан, гулим. — Р. Парфи, Кўзлар

Қани энди, бутун борлиққа танҳо ўзинг ҳукмрон бўлсанг. — Ф. Мусажонов, Ҳиммат

от 1. Якка-ю ягоналик, танҳо эканлик.

Гўзалликда танҳолик.

Предметни аниқлаш ёки шахснинг танҳолигини таъкидлаш учун қўлланган ўз сўзи ўзлик олмоши деб аталади. — Ўзбек тили дарслиги

2. Ёлғизлик ҳолати; ёлғизликдаги ҳаёт; ёлғизлик.

Унсин туморча шаклли ҳовлида айланади, танҳолик ва ҳасрат унинг юрагини эзади. — Ойбек, Танланган асарлар

Ойниса ёлғиз қолди. У умрининг кўп қисмини шундай ёлғизликда, хавотирликда ўтказган, танҳоликка кўниккан бўлса ҳам, бу галгиси ниҳоятда оғир туюлди. — Ҳ. Ғулом, Тошкентликлар

Кейинги кунларда Авазни яна танҳолик ўртай бошлаган эди. — С. Сиёев, Аваз

Бирор нарсага алоҳида ҳуқуқ. Информатикада фойдаланувчи танҳо равишда абонент тизимидан фойдаланиши мумкин, абонент тизими эса танҳо равишда канални эгаллаши мумкин, масалан, каналларни коммутациясида.инглизчаmonopolyрусчамонополия