ot 1. Dars, ish, mashgʻulot va shu kabilar orasida beriladigan qisqa dam.
Oʻquvchilar tanaffusga chiqdi. Tanaffus eʼlon qilmoq.
Bu sukut boksyorlarning shiddatli raundlari oʻrtasida nafas rostlashga beriladigan tanaffusga oʻxshardi. — F. Musajonov, Himmat
Ertalab quyosh bilan baravar turish, qosh qorayguncha ish. Bir mahal ovqatga tanaffus. — I. Rahim, Chin muhabbat
2. koʻchma Ish-harakat, voqea-hodisalar oʻrtasidagi uzilish, toʻxtash boʻlgan vaqt.
U ashulalarni tanaffus qilmay aytardi. — Yoshlik
Bir oz tanaffusdan soʻng programmada xokkey oʻyini koʻrsatila boshlandi. — Oʻ. Usmonov, Sirli sohil