fl. 1. Oxiriga, poyoniga, nihoyasiga yetkazmoq.
Maʼruzani tamomlamoq.
Hoji oʻzidan oshirib soʻzlagan bu soʻzlarini shu gap bilan tamomladi. — A. Qodiriy, Oʻtgan kunlar
2. Bitirmoq, qoʻldan chiqarmoq, tayyor qilmoq.
Yana bir gʻayrat qilib, GESni bitirib olsak, kolxozchilar kanalni tamomlab, suvni bizga keltirib bersalar, marra — bizniki. Oydin, Mardlik — mangulik.
3. Ishlatib, sarflab, foydalanib odoq qilmoq, tugatmoq.
Mablagʻlarni tamomlamoq. Zaxiralarni tamomlamoq.
Qiziq, biz paxta yetilmay hosilni qarz-qurz, boʻnak bilan tamomlaymiz. — M. Ismoiliy, Fargʻona tong otguncha
4. Oʻquv yurtini bitirmoq, tugatmoq.
Institutni tamomlashim bilan orzum amalga oshdi. Men endi kinoaktrisaman. — Mushtum