Изоҳли луғат
· яна 7 та луғатда
от 1. Ёзма ишни, асарни тузатишлар киритиб яхшилаш, тузатиш.
Мақола таҳрирга берилди. Асар таҳрирдан чиқди. Китоб профессорнинг таҳрири остида босилди.
Тўпламдаги айрим мақолалар таҳрирга муҳтож. — Ф. Абдуллаев, Икки хил ёрдам
2. эск. Ёзиш, ижод қилиш.
“Нуқта лаб устида бежодур, дедим, айди кулиб: Саҳв қилмиш котиби қудрат магар таҳрирда. — Фурқат
Аризани шу мажлисда, мулла Абдураҳмон ҳузурида ёзилиши мувофиқ кўрилиб, муфти таҳрирга ўтирди. — А. Қодирий, Меҳробдан чаён
- Таҳрир қилмоқ Таҳрирдан ўтказмоқ. Замира оқшомлари Очил билан бирга ишлашни, у ёзган, таҳрир қилган нарсаларни оққа кўчиришни тасаввур этиб, юраги гурсиллаб ура бошлади. — П. Қодиров, Уч илдизСаидий ҳикояни бир ҳафтада тамом қилиб, Илҳомга кўргани берган эди, икки кундан сўнг уни Аббосхоннинг қўлида таҳрир қилинган ҳолда кўрди. — А. Қаҳҳор, Сароб
- Таҳрир ҳайъати Китоб, журнал, газета ва шу кабиларнинг нашрини тайёрловчи, унга илмий-методик раҳбарлик қилувчи кишилар гуруҳи. Луғатнинг таҳрир ҳайъати аъзолари.