Қидирув

фл. 1. Орқасини, елкасини, кифтини бирор нарсага тираб ўтирмоқ ёки турмоқ.

Деворга суянмоқ. Ёстиққа суянмоқ. Эчкининг таёқ егиси келса, чўпоннинг таёвига суянади. — Мақол

Улуғбек чайқалиб, деворга суянди. — Ёшлик

Ая кейин кўрса, Кароматхон ҳам келиб, эшик кесакисига суянганча, гапларига қулоқ солиб турган экан. — А. Мухтор, Кумуш тола

2. Гавда оғирлигининг бир қисмини бирор нарсага ташламоқ; таянмоқ.

Эгилган таёққа суянма, сени ҳам эгади. — Мақол

Яхшибоев ўтирган харрагидан турди. Қўлидаги аждарбош ҳассасини ерга қўйиб, секин суянди, юрагига қулоқ тутди. — М. М. Дўст, Лолазор

Искандар эса беихтиёр сўри панжарасига оғир суяниб чуқур тин олди. — М. Мансуров, Ёмби

3. кўчма Мадад олмоқ, ёрдамига таянмоқ, ёрдамига таяниб иш тутмоқ.

Халққа суянсанг — бўласан, халқдан чиқсанг — сўласан. — Мақол

[Яхшибоев:] Қариган чоғингда одамнинг ҳар бири ғанимат: дардингни айцанг, чайқалган чоғинг суянсанг. — М. М. Дўст, Лолазор

Тоғай ким — ёлғизқўл бир йигит. Ўлармон отаси=ю пуф деса, довонга бориб тушадиган қилтириқ укасини демаса, бошқа суянадигани ёʻқ. — Ёшлик

4. Ишонмоқ, таянмоқ; асосланмоқ.

Мақсуд Солиев ўттиз йиллик иши давомида одамларнинг турфа хилини кўрди. У, тажрибасига суянган ҳолда, бир нарсага амин бўлди: жамият учун жиноятчидан кўра лоқайд одам хавфлироқ! — Ёшлик

фл. 1. Бир учини ерга, иккинчи учини бирор тик нарсага тақаб турғизиб қўймоқ; тирамоқ, таямоқ.

Ҳассани деворга суяб қўймоқ. Тепиб ўтма, суяб ўт. — Мақол

У деворга суяб қўйилган ойболтага таш-ланди. — Ёшлик

2. Бирор еридан тутиб, кўтариб мадад бермоқ.

Кампир, азиз меҳмонларни ўтқизгандан кейин, чолни суяб олиб кирди. — А. Қаҳҳор, Олтин юлдуз

[Соқи бобо] Уни қўл-тиғидан суяб, отга миндирди. — Эргаш Жуманбулбул ўғли

Оёқлари увушган бойни аравадан суяб туширишда букрига Тоштемир кўмаклашди. — Ҳ. Ғулом, Феруза

3. кўчма Мадад, ёрдам бермоқ; қўлламоқ.

Сен ёʻғингда мени шулар суяб юришди-да. — Ҳ. Ғулом, Машъал

rely on experience

от 1. Одам ва умуртқали ҳайвонлар скелетининг ҳар бир қисми; сўнгак.

Ўмров суяги. Тизза суяги. Суяк оғриғи. Фил суяги.

Суяк бутун бўлса, эт битиб кетар. — Мақол

Бўрижоннинг ориқ, умуртқа суяклари бўртиб, қовурғалари саналиб турган қўш ҳўкизи омочни зўрға тортиб боряпти. — С. Нуров, Майсаларни аёз урмайди

Бобо., умр бўйи кўксини бекитмаган, анордек қизғиш кўксидаги суяклар бўртиб чиқиб турарди. Мирмуҳсин, Умид. Одам қони таркибида, шунингдек, суягида ўттиздан зиёд элемент учрайди. — Фан ва турмуш

2. Сўйилган молнинг этли устухони (ов-қат сифатида).

Суяк қайнатмоқ. Суяк тозаламоқ.

Гўшт суяксиз бўлмас, Шоли — курмаксиз. — Мақол

Ахир сен ит эмасдинг-ку, беланиб лойга, Бир-бирингни ғажисанг то суяк талашиб. — А. Орипов, Йиллар армони

3. Этдан тозаланган устухон (хомашё, материал сифатида).

Суяк елими. Суяк ўймакорлиги. Суяк тугма. Суяк уни.

Суякка гул чизиб, асбоблар (парма, аррача, эгов ва бошқалар) ёрдамида ўйиб, нақшлар ҳосил қилинади ҳамда жилоланади. — Ўзме

4. сфт. Жуда ориқ, озғин,

Суяк одам,

Чол сесканиб, бошини кўтарди, йигитни қучоқлаб, суяк қўллари билан унинг елкасини силади. — Ойбек, Танланган асарлар

5. кўчма Авлод, насл; уруғ.

Султон суягини хўрламас. — Мақол

от Ёзилган ҳолдаги кўрсаткич бармоқ учи билан бош бармоқ учигача бўлган масофага тенг узунлик ўлчови.

Фарҳод чўнтагидан уч суям занжир чиқариб, шаҳодат бармоғида айлантириб ўйнай бошади. — Ёшлик

Мана кураш эсдалиги, яхши қара: Бўксасида бир суямча ямоқ-яра. — Ф. Ғулом

сфт. айн. Суякдор.

Суякли, бўйчан йигит.