Қидирув

фл. 1. Лой, алебастр каби материаллар билан қоплаб силлиқламоқ; сувоқ қилмоқ.

Уйларни сувамоқ. Том сувамоқ.

У [Толибжон] уйдалик пайтида ҳовлининг кемтикларини тузатади, лой қориб, деворларнинг нураган жойларини сувайди. — С. Аҳмад, Жимжитлик

Бўтабой баҳор ёмғирида нураган ўчоқни яхшилаб сувади. — С. Аҳмад, Ҳукм

2. кўчма Салб. Ошкор қилмай бекитиб, тўғрилаб юбормоқ, текисламоқ, хаспўшламоқ.

Камчиликларни суваб ўтмоқ.

от Сувада яшовчи шахс.

от зоол. Қора ёки тўқ қўнғир рангли, узун қилсимон мўйловли, ер юзида кенг тарқалган кемирувчи ҳашарот; таракан.

Ўзбекистонда суваракларнинг 30 га яқин тури, жумладан, хонадонларда 2 тури (сариқ суварак ва қора суварак) тарқалган. — Ўзме

Бунақа кимсалар пана-пастқам ерларда кўзга ташланмай, ивирсиб юришаверади-да, бир пайт қарабсизки, суваракдек лоп этиб ёруғликка чиқиб олишади. — Н. Аминов, Ёлғончи фаришталар

фл. Сувамоқ феълининг мажҳул нисбати.

фл. Сувамоқ феълининг орттирма нисбати.

фл. Сувамоқ феълининг биргалик нисбати.