Поиск

sft. 1. Tarkibida surma boʻlgan.

Surmali togʻ jinsi.

2. Surma qoʻyilgan yoki surma qoʻyilgandek qora.

Koʻylaklari burmali, Qosh-u koʻzi surmali Qaynopasiga bir salom. — Qoʻshiqlar

[Bashirjon] Nihoyat, juvonni chiroq tomon oʻgirib, choʻgʻdek yonayotgan surmali koʻzlariga yutoqib tikildi. — N. Aminov, Qahqaha

ot 1. Mendeleyev davriy sistemasining V guruhiga mansub kimyoviy element, kumushsimon oq, moʻrt metall.

Surma koni. Surma rudasi.

Surmaning alyuminiy, galliy, indiy bilan hosil qilgan qotishmalari yarimoʻtkazgichlar ishlab chiqarishda qoʻllanadi. — OʻzME

2. Tarkibida shu element boʻlgan qoramtir pardoz boʻyogʻi (qosh, kipriklarni boʻyash uchun ishlatiladi).

Surma qoʻymoq. Koʻziga surma tortmoq. Oʻsma ketar — qosh qolar, Surma ketar — koʻz qolar. — Maqol

Salomatning surma tortilgan koʻzlari ola-kula boʻlib ketdi. — X. Sultonov, Bir oqshom ertagi

Yuzlari xuddi olmaday tarang. Bir juft quralay koʻzi surma bosganday qora, bir qarashi bilanoq yuragimni taka-puka qilib tashladi. — Hamza, Tanlangan asarlar

ot Surma solinadigan idish.

Bir kun seni koʻtarib, qoʻshnimnikiga oʻtdim. Uy egasi ichkari hovlida ekan, tashqarida surmadon qoʻyilgan edi. — Saodat

ot Surma surtadigan maxsus ingichka choʻp.