Hayot Foundation loyihasi
Loyiha haqida
Oʻz
Oʻz

Qidiruv

«surilma» boʻyicha 123 ta natija: Oʻzbekchadan

Filtr
Boʻlim
Lugʻatlar Shevalar
Lugʻat turi
Izohli Tarjima Terminologik
Tildan
Oʻzbekcha Ruscha Inglizcha Fransuzcha Turkcha
Tilga
Ruscha Inglizcha Qoraqalpoqcha Nemischa Fransuzcha Arabcha Turkcha

Lugʻat maqolalari

117 ta
surilma
Izohli lugʻat · yana 1 ta lugʻatda

sft. 1. U yon-bu yon suriladigan; surma.

Surilma qopqoq.

2. geol. Togʻ jinslarining gravitatsiya jarayonlari taʼsirida yonbagʻir boʻylab pastga tomon siljishi.

Yotiq surilma. Tik surilma.

Qiziljarga sohillardan surilmalar koʻp tushgan, qanchalab archalarning ildizlari ochilib yotar edi. — Sh. Xolmirzayev, Saylanma

Toʻliq maqola →
surmoq
Izohli lugʻat · yana 4 ta lugʻatda

fl. 1. Itarib, bir joydan ikkinchi joyga koʻchirmoq; jildirmoq, siljitmoq.

Oriq, koʻzi ichiga tortib ketgan, iyaklari ingichka kelin ayvon taxmonidagi sandiqni nari-beri surar edi. — Saodat

2. Yurmoq (shaxmat va shashka oʻyinida).

Piyodani surmoq. Filni surmoq.

3. Biror tomonga yoʻnaltirmoq, solmoq.

Lashkar surmoq. Karvon surmoq.

Ajab, bunda nechun yolgʻiz yuradi, Kim ekan u, kechasi ot suradi? — Gulshanbogʻ

Gʻirotga men achchiq qamchi urayin, Yov ketindan shu kecha ot surayin. — Gulshanbogʻ

4. s. t. Surtmoq, surkamoq.

[Nafisa] Ikki qoʻli yorilgan, hadeb glitserin surmoq ham foyda bermasdi. — Mirmuhsin, Qahramonnoma

5. Otlar bilan qoʻshma feʼl yasaydi.

Davr surmoq, kayf surmoq, xayol surmoq, hukm surmoq.

U shildirab oqayotgan ariq ichidan baliqchalar izlab, xayol surayotgan Hafizaga boqib turardi. — Mirmuhsin, Umid

Ularni kuzatib turgan ona, qizining eng oʻynab-kuladigan, ayollik, onalik baxtini suradigan vaqti oʻqish bilan oʻtayotganiga achinar edi. — S. Nurov, Maysalarni ayoz urmaydi

Bogʻda gulni tergin endi, Davr-u davron surgin endi. — Gulnorpari

  • Oldinga surmoq 1. Old tomonga siljitmoq; Ishni oldinga surmoq.
  • Orqaga surmoq Akasi qistashini qoʻymabdi, ukasi erta-indin, deb orqaga surishini qoʻymabdi. — Ertaklar
  • Suv surmoq Sugʻorish uchun suvni biror tomonga yoʻnaltirmoq, yoʻnaltirib olib bormoq. U [Yoʻlchi] yer haydadi, chopiq chopdi, suv surdi, dalaga gung tashidi. — Oybek, Tanlangan asarlar
  • Surib bormoq Kuch bilan siqib, bosib borib, ilgari haydamoq. Haydar, raqibini surib borayotib, chalinib yiqilib tushdi. — I. Rahim, Ixlos
  • Surib ketmoq 1. Kuch bilan olib, tortib, sudrab yoki ergashtirib ketmoq. Tinglovchi esa shu daryo yuzidagi yelkanga oʻxshaydi. Sizlarga koʻchgan xotiralar esa yelkanni surib ketuvchi shamolga oʻxshaydi — A. Nurmurodov, Urush bevalariSaman hurkib, kelgan tomoniga — Koʻkorolga surib ketdi! — H. Nazir, Soʻnmas chaqmoqlarHarom pul surib ketadi.
  • Surib chiqarmoq Kuch, tazyiq bilan siqib chiqarmoq. Qism qorongʻi tushguncha dushmanni oldingi okoplardan surib chiqardi. — A. Qahhor, Oltin yulduz
  • Chetga surmoq 1. Chet tomonga siljitmoq;
  • Nasl (yoki suyak) surmoq Nasldan naslga oʻtmoq (biror kasallik, irsiy holat va shu kabilar).
  • Tirnogʻi suribdi Yangi tirnoq chiqib va oʻsib, eski, zararlangan tirnoqni tushiribdi.
  • Umr surmoq Umr koʻrmoq, yashamoq.
  • Qalam surmoq Navoiy ulugʻ fors shoirlari kabi, sheʼrning hamma shakllarida qalamni jasur surdi. — Oybek, Navoiy
Toʻliq maqola →
sur
Izohli lugʻat · yana 3 ta lugʻatda

sft. Toʻq kulrang tusdagi; surrang

Sur qorakoʻl teri

Butxonaning sur devoriga Har oʻtkinchi bir camp bitmish — Mirtemir, Asarlar

Toʻliq maqola →
sura
Izohli lugʻat · yana 3 ta lugʻatda

ot Qurʼonning 114 bobidan har biri.

Baqara surasi.

Baʼzi suralarning nomi suraning boshida kelgan soʻzdan olingan. — OʻzME

Bu Haj surasi Madinada nozil qilingan boʻlib, yetmish sakkiz oyatdan iboratdir. — Sharq yulduzi

Toʻliq maqola →
surp
Izohli lugʻat · yana 4 ta lugʻatda

ot Sidirgʻa ip gazlama va undan tikilgan kiyim.

Oq surp. Qora surp Surp yaktak.

Korxonaning 2-toʻquv sexi jamoasi noyabr oyida 85200 metr xom surp toʻqib, reja topshiriqlarini bajardi. — Gazetadan

Mehmonlar kun oqqanda kelishdi. Hammasi silliq dazmollangan qora shim, yengi kalta oq surp koʻylak kiyishgan. S. — Nurov, Narvon

Maykachan, oq surp ishton kiygan Ahmad brigadir paykalda oʻt oʻrayotgan edi. — S. Nurov, Maysalarni ayoz urmaydi

Toʻliq maqola →
surx

ot Yosh, yangi, surxun (novda haqida).

Surx novda.

Zum oʻtmay, tutning surx novdalari orasidan boshqasi uchib chiqib, unga qoʻshildi. Keyin qir ustida soʻfitoʻrgʻay nozik chuldiradi. — M. Mansurov, Yombi

Toʻliq maqola →

Hammasini koʻrish · 117 →

Taʼriflar ichida

5 ta
telejka

telejka Kichkina arava; aravacha. Mahsulot ortilgan mashinalar, telejkalar muzxona va punkt tomon oshiqadi. M. Nazarov, Yaxshini maqtasa yarashur Baʼzi mashina va mexaniz

zaboy

zaboy kon. Shaxtada foydali qazilma boyliklar (toshkoʻmir, ruda va shu kabilar) qazib olinadigan surilma ish joyi. Ertadan boshlab sen zaboyga borib, ekskavator uchun may

tortma

tortma ot Stol, shkaf kabilarning surilma yashigi. [Juvon] Pullarning orasidan bitta besh soʻmlikni olib, qolganlarini yana oʻrab, tortmaga solib qoʻydi-da, menga qaradi.

surma

surma Mendeleyev davriy sistemasining V guruhiga mansub kimyoviy element, kumushsimon oq, moʻrt metall. Surma koni. Surma rudasi. Surmaning alyuminiy, galliy, indiy bilan

surma

surma Mendeleyev davriy sistemasining V guruhiga mansub kimyoviy element, kumushsimon oq, moʻrt metall. Surma koni. Surma rudasi. Surmaning alyuminiy, galliy, indiy bilan

Sheva materiallari

1 ta
chaqcha
Qoraqalpogʻiston Respublikasi · surilmay qolgan yer

haydayotgan yerning burchaklarida surilmay qolgan yer