Изоҳли луғат
· яна 1 та луғатда
фл. Совурмоқ феълининг мажҳул нисбати.
Қидирув
«совурилмоқ» бўйича 4 та натижа: Ўзбекчадан
Луғат мақолалари
3 та
Изоҳли луғат
· яна 4 та луғатда
фл. 1. қ. х. Шамолда шопириб тозаламоқ, шопирмоқ.
Ўт иши — қовурмоқ, Ел иши — совурмоқ. — Мақол
[Бободеҳқон] Кун қизиб турган пайтларда, бошидан офтоб ўтишига қарамай, янчиқ янчибди. Кечки шамолда буғдой совурибди. — С. Анорбоев, Бободеҳқон сўзи
2. кўчма Беҳудага кеткизмоқ, беҳуда сарф, харажат қилмоқ.
Пулни совурмоқ.
Мен учун ҳам, ўзи учун ҳам пулни аямай совурар ва ҳеч қачон менинг моянам билан қизиқмасди. — Ёшлик
3. Маҳв этмоқ, ёʻқ қилмоқ, беҳудага чиқармоқ.
Тилакларимни совурганинг етмай, тилакларимни йиққанинг нимаси. — М. Исмоилий, Фарғона тонг отгунча
Шоирнинг юрагида ҳақиқат душманларига қарши, ҳаммадан севгани — ҳаёт гулини совурмоқчи бўлган ёвуз кучларга қарши ғазаб ёнар эди. — Ойбек, Навоий
- Кулини кўкка совурмоқ Батамом ёʻқ қилмоқ, маҳв этмоқ, ағдариб ташламоқ. Чингиз фармони билан шаҳарга ўт қўйилиб, кули кўкка совурилди. — Мирмуҳсин, Темур Малик
- Кўкка (ёки беҳудага) совурмоқ Шамол қутурар, қорни оппоқ тўзонга айлантириб, кўкка совурар эди. — Ойбек, Олтин водийдан шабадалар— Бизни давлат пулини кўкка совурувчи тентаклар, хаёлпарастлар, деб аташаётганлар ҳам ёʻқ эмас, — деди Дониёров Моҳидилга. — Ж. Абдуллахонов, Тўфон
фл. Совурмоқ феълининг биргалик нисбати.
Таърифлар ичида
1 тасоврил с. т. Совурилмоқ. Гоҳо атрофдаги ёʻлтўсар беклар Дастидан соврилди карвонлар — юклар. М. Шайхзода, Тошкентнома Йиллар-у йилномалар соврилган ёʻқ шамолга, Ҳа