Қидирув

сиёсатга оид атама

от 1. Давлат ҳокимияти шаклларини амалга ошириш ва бошқариш; давлат ҳокимиятининг мамлакатни бошқарувда ва халқаро муносабатларда тутган ёʻли; давлатни бошқариш санъати.

Ички сиёсат. Ташқи сиёсат.

Мустақиллик туфайли Ўзбекистон Республикасининг давлат сиёсати янгича маъно ва мазмун касб эта бошлади. — Ўзме

Бу кунги шароит тажрибали хонни бошқача сиёсат ушлашга мажбур этди. — А. Қодирий, Меҳробдан чаён

2. кўчма Ҳийла-найрангга асосланган, ёʻлига қилинган иш, хатти-ҳаракат; устомонлик.

Шу жойда раиснинг обрўси сал дарз кетибди. У ўзининг бийлигини сиёсат билан ўтказмоқчи бўлган экан-у, бўлмабди. — Н. Фозилов, Дийдор

Деҳқон, косиб халқи нотинчланиб қолди: албатта, уларнинг болалари кетади-да, фармонда мардикор дейилган, аммо, Салим ака, менимча, бу нарса бир сиёсат, бир алдов бўлса керак. — Ойбек, Танланган асарлар

3. с. т. Дўқ, пўписа, қўрқитув.

[Навоий:] Таҳдид ва сиёсат эмас, меҳрибонлик даркор. — Ойбек, Навоий

[Беклар:] Сиёсат учун битта иғвогарнинг бошини кестирмоқ зарур! — П. Қодиров, Юлдузли тунлар

Ҳа, одамлар айтар эди, Азроил жон оладиган бўлганда, шундай сиёсат билан, ҳайбат билан келади, деб. — Муродхон

сфт. 1. Сиёсатга оид, сиёсат билан боғлиқ бўлган, сиёсат соҳасидаги.

Сиёсий масала. Сиёсий партия. Сиёсий шарҳловчи.

Мустақил Ўзбекистон сиёсий партияларнинг шаклланиши ва фаолияти учун зарур шарт-шароитларни яратиб берди. — Мустақиллик луғати

2. Давлатга, давлатчиликка ва фуқаролик ҳақ-ҳуқуқига оид.

Сиёсий тузум. Сиёсий ҳуқуқ. ™

Ўзбекистон Республикасининг сиёсий тузуми 1992 йил 8 декабрда қабул қилинган Конституциям, шу асосда қабул қилинган конституциявий қонунлар ҳамда бошқа расмий ҳужжатлар билан белгиланган. — Мустақиллик луғати

open-door policy

сфт. Гапи ўткир, гапини ўтказа оладиган, ҳайбатли, ўз салобати, теран фикри, қаттиққўллиги билан кишиларни ҳайиқтирадиган.

Сиёсатли бошлиқ.

Бир ҳайбатли, сиёсатли нарсалар экан. Булар билан олишиб бўлмаса керак. — Ёдгор

сиёсатга оид жаргон