Поиск

fl. Siqib ichidagini chiqarmoq, ajratmoq.

Yarani sitmoq.

Baʼzi odamlar danagi olingan olcha murabbosini yaxshi koʻradilar. Lekin olchaning danagini qoʻl bilan sitganda, sharbati oqib ketadi. — Saodat

ot Jabr, jafo, zulm.

Sitam qilmoq.

Barcha shodlik senga boʻlsin, Bor sitam, zorlik menga. Barcha dildorlik senga-yu, Barcha xushtorlik menga. — E. Vohidov, Muhabbatnoma

Mana, oʻsha damlar keldi, yuragida yigʻilgan hamma dard-u sitamlari, hamma alam, hamma isyonlarini toʻksa arziydigan qasosli onlar keldi. — O. Yoqubov, Koʻhna dunyo

[Guli]: Alisher, ne uchun xoʻrlik yaralgan, Nechun jabr-u sitam, zoʻrlik yaralgan. — Uygʻun va H. Sulton, Alisher Navoiy

ot Biror manbadan, adabiy, musiqaviy va shu kabilar asardan aynan koʻchirilgan parcha; iqtibos.

Sitata keltirmoq.

— Sitatalar oʻrinli, lekin nazarimda, ular koʻpayib ketgan, — talaba jurʼatsizlik bilan oʻz fikrini bildirdi. — Yoshlik

ot esk. kt. ayn. Yulduz.

sft. Limon, apelsin, mandarin kabi oʻsimliklarning umumiy nomi.

Kavkaz sitruslari. Sitrus mevasi.

Sitrus oʻsimliklarini iqlimlashtirish yuzasidan olib borilgan ajoyib ishlar oʻz samarasini koʻrsatmoqda. — Gazetadan

sft. Alamli, dard-ogʻriqli; dard-alam ifodalovchi.

Sevgining shirin onlari singari sitamli alami, shafqatsiz kulfati ham boʻladi. — M. Joʻra, Iztirob