Поиск

ot tlsh. Shakli har xil, maʼnosi esa bir xil yoki bir oz farqli boʻlgan til birliklari qatoridagi har bir til birligi.

Oʻzbek tilidagi sinonimlar. Sinonim soʻzlar.

Gulxaniy tili leksikasining xususiyatlaridan biri shuki, Zarbulmasalda maʼlum bir predmet, narsa nomi bir necha adekvat sinonimlar orqali ifodalanadi. — UTA

Sinonimlar asarga sayqal berishda, fikrni jozibali ifodalashda katta ahamiyatga ega. — OʻTA

sft. tlsh. Bir-biriga sinonim boʻlgan; maʼnodosh.

Sinonimik soʻzlar.

Har bir sinonimik qatorning chegarasi, undagi soʻzlar asosiy soʻz [dominantaga] qiyoslash orqali belgilanadi. — OʻTA

Sinonimik maqollarni esa har bir xalq, oʻzining milliy xususiyatlari hamda mahalliy shart-sharoitlardan kelib chiqib, mustaqil ravishda yaratadi. — UTA

ot 1. Biror tilning sinonimlari majmui.

Oʻzbek tili sinonimikasi.

2. Leksikologiyaning sinonimlarni oʻrganuvchi boʻlimi.

ot tlsh. Til birliklarining maʼno jihatidan yaqinlik, maʼnodoshlik hodisasi.

Grammatik sinonimiya,

Shuningdek, polisemantik soʻzlardagi antonimik munosabat hamda antonimik soʻzlar sinonimiyasi ularda stilistik imkoniyatlar keng ekanligini koʻrsatadi. — OʻTA