По запросу «silkishmoq» — результатов: 8: с: Узбекский
fl. 1. Silkimoq feʼlining birgalik nisbati.
Stansiya biqinidagi quvurlar ustida qizlar qoʻshiq aytib oʻtirishardi. Ular Mohidil bilan qoʻl silkishib koʻrishishdi. — J. Abdullaxonov, Toʻfon
2. ayn. Silkitmoq.
— Zarari yoʻq, — dedi Karimiy, bir bosh silkish bilan peshonasidagi sochlarini orqasiga tashlab. — N. Aminov, Qahqaha
fl. Kuch bilan u yon-bu yonga siltamoq, keskin tebratmoq.
Qizning nazarida, ona perronda hamon roʻmol silkib turgandek edi. — S. Ahmad, Mehribon
Maysalarni silkib, shitirlab birdan Yugurib oʻtdi yel — bezovta, sergak. — X. Davron, Bolalikning ovozi
Sidiqjon egarga yaxshiroq oʻrnashib, otning jilovini silkidi. — A. Qahhor, Qoʻshchinor chiroqlari
Yer silkinishi ayn. zilzila 1. Yer silkinishi hozir ham juda katta talafotlarga sabab boʻlmoqda. Gazetadan
fl. 1. Silkimoq feʼlining oʻzlik nisbati.
Oy tepaga kelgan. Tol barglari shabadada silkinib yiltiraydi. — S. Ahmad, Hukm
Arava gʻijirlab borar, gap mavzudan mavzuga koʻchar, Turgʻunoy gapga aralasholmay, bedalar ichida bir bogʻ bedaday silkinib borar edi. — A. Qahhor, Maston
Mashina bir silkinib yurib ketdi. — E. Raimov
2. Oʻz gavdasini keskin koʻtarib tushirmoq, qattiq tebranmoq.
Tuya silkinsa, bir eshakka yuk tushar. — Maqol
— Qoʻshiq ayt-sang-chi, Turgʻunoy, — dedi Maston bir silkinib, ustidagi yuklarini yaxshiroq oʻrnashtirib. — A. Qahhor, Maston
Tolipov jon-holatda silkinib, qichqirib yubordi. — Sharq yulduzi
fl. 1. Silkimoq feʼlining orttirma nisbati.
Ahmadning tili kalimaga kelmay qoldi, yoʻq degan maʼnoda bosh silkitdi. — F. Musajonov, Himmat
Dutor quruqqina yigʻlamas edi, balki butun koinotni “zir“ ettirib va xasta yuraklarni dir silkitib yigʻlar edi. — A. Qodiriy, Oʻtgan kunlar
2. Larzaga solmoq.
Momaqaldiroqday koʻkni silkitib gumburlayotgan toʻp otishmasini eshitdi. — Oybek, Quyosh qoraymas
fl. 1. Qiyishmoq, talashmoq, talashib-tortishmoq (savdoda, bitishuvda).
— Bir qancha silkilashishlardan keyin boy menga xizmat haqi uchun oyiga ona sutidan halol ikki pud un, xom-pishiq aralash yetti qadoqdan olma beradigan boʻldi, — dedi Shum bola. — Gʻ. Gʻulom, Shum bola
2. Aytishib qolmoq, sen-menga bormoq, adi-badi aytishmoq.
Arzimagan narsaga silkilashib qolishibdi.
3. Bel olishuvda, kurashda bir-birini siltamoq, siltab tortmoq, tortishmoq.
Polvonlar bir-biri bilan silkilashdi.
