сфт. 1. Тезда бажарилиши лозим бўлган; ошиғич.
Шошилинч буюртма. Шошилинч мажлис. Шошилинч иш. Шошилинч телеграмма. Шошилинч тиббий ёрдам. Иши жуда ҳам шошилинч эмас.
Мен шошилинч бир иш билан Бухорога кетяпман — Мирмуҳсин, Меъмор
2. рвш. Шошган ҳолда, шоша-пиша, шошиб-пишиб.
Ғайратчан Халил ака ҳамма ишни ҳам шошилинч қиларди. — Ф. Мусажонов, Ҳиммат
Наҳотки Аваз бўлса? деб гумонсиради ва калишини оёғига шошилинч илиб, ташқарига отилди. — С. Сиёев, Ёруғлик
3. от Шошиб турилган пайт.
Шошилинчда китобимни унутибман.