Қидирув

от Юнгдан тўқилган қалин мато, юнг газ-лама.

Шол бозори.

Бу бошига шолдан салла ўрайди. — Фозил шоир

Икки қиз чайқалган чойнак-пиёлаларни, туя юнгидан тўқилган шол дастурхонга ўралган нонларни келтириб, меҳмонлар олдига қўйдилар. — С. Айний, Қуллар

Шамоллатди молларин, Ипак-бахмал, шолларин. — Қ. Муҳаммадий

от Иссиқ мамлакатларда ботқоқда ўсадиган, бошоқларида гуруч етишадиган дон ўсимлиги; шу ўсимликнинг оқланмаган, гуруч ҳолига келтирилмаган ҳосили.

Шоли оқламоқ.

Бултур 5 гектар пахта ерини буздириб, шоли эктирдим — Муштум

Қори ўзининг хотинини ёмонлаб кетди: шолини сочмасдан туёлмайди, сув қайнаца ҳам, тагига олдириб қўяди. — А. Қаҳҳор, Қўшчинор чироқлари

тақл. с. Оғир нарса суюқликка тушганда, шунингдек, сув қирғоққа ёки бошқа нарсага урилганда ҳосил бўладиган товушни билдиради.

Водийни иккига бўлиб ўтган катта сой шовуллар, қирғоққа шўлп-шўлп урилиши эшитилиб турарди. — Ж. Абдуллахонов, Орият

элик. loq-loq, lip-lip (suyıqlıq jawıq ıdıstıń ishinde shayqalģanda shıģatuģın dawıstı bildiredi)

от Жундан тўқилган палос.

Ҳимматга Қани, ўтир! деди ошпаз, ёзиб қўйган шолчани кўрсатиб. — М. Муҳамедов, Қаҳрамон изидан

Ўша ерга бир парча шолча ташланиб, ичкаридан бир патнисда нон, косаларда мошхўрда чиқди. — Ойдин, Ўзидан кўрсин

от Овқатга ишлатиладиган, илдизмеваси оқ, сариқ, қизғиш, оч бинафша рангларда бўладиган сабзавот ўсимлиги.

Шолғомга сув қўймоқ? Бўйрадай жойга шолғом эккан одамга ҳам сувми! — Ойбек, Танланган асарлар

Шолғом жуда қадим замонлардан истеъмол қилиб келинади. У тўқ тутар ва шифоли масаллиқлардан бири. — К. Маҳмудов, Ўзбек тансиқ таомлари