Поиск

ot 1. Harakatni yengillashtirish, gʻildirakni yeyilishdan saqlash yoki turtki-silkinishlarni kamaytirish uchun gʻildirakka kiydirib qoʻyiladigan rezina gardish.

Avtomobil gʻildiragining shinasi.

Avtomobil va traktorlarni shinalar bilan taʼminlash masalasi naqadar keskin ekanligi maʼlum. — Gazetadan

2. tib. Yumshoq toʻqimalarning anchagina qismi shikastlanganda, suyak singanda, suyak va boʻgʻim kasalliklarida ularni qimirlatmay qoʻyish maqsadida ishlatiladigan, metall, gips, taxta, plastmassa va shu kabilardan tayyorlanadigan moslama.

ot 1. esk. 1 Shahar, qalʼa, qoʻrgʻon kabilar devoridan dushmanni kuzatish va otish uchun qilingan maxsus tuynukcha.

Qoʻrgʻon burchidagi shinak orasidan uzun boʻyli, qora soqolli bir kishining otashin nazari uzoqlarga tikilgan edi. — M. Osim, Ajdodlarimiz qissasi

Atrofini oʻragan devordan oʻq otish uchun shinaklar qoʻyilgan. — Sh. Xolmirzayev, Qil koʻprik

2. Dushmanni kuzatish va undan saqlanish mumkin boʻlgan pana joy.

Yarogʻ olmay qolganlardan ehtiyot qism tayyorlab, shinak orqasiga qoʻydi, xotinlardan shafqat hamshiralari toʻdasi tuzdi. — S. Ayniy, Qullar

Shinakka yetganlarida, begimning koʻlidagi mashʼalasini oldi: — Ehtiyot boʻling, begim, yogʻiyga koʻrinmang! — P. Qodirov, Yulduzli tunlar

sft. 1. Kishining bahridili ochiladigan, koʻrkam; ixcham va qulay (joy haqida).

Shinam xona.

Oxirgi bekatda shinamgina choyxona ham bor ekan. — N. Fozilov, Diydor

Qatortolliklar chiroyli va shinam uylarni koʻrgach, yuraklari sevinch-quvonch bilan toʻlib-toshdi. — Sh. Rashidov, Boʻrondan kuchli

Kavushdoʻz Isoq otaning shahar tash-qarisida uch tanob keladigan shinam bogʻi bor. — M. Osim, Tilsiz guvoh

Bogʻda hovuz boʻylaridagi shinam shiyponlarga yozilgan dasturxonlar yozilganicha qolib ketibdi. — O. Yoqubov, Diyonat

2. Yarashib tushgan; yarashiqli, ixcham.

Qabulga kelgan qiz shinamgina tuflisining baland poshnalarini taqillatib, stul oldiga yurib keldi-da, atlas koʻylagining etaklarini astagina yigʻishtirib, noz bilan stulga oʻtirdi. — Sh. Rashidov, Boʻrondan kuchli

Boʻlis bularning hammasini yaxshi taniydi, biroq Oʻtapning yonida oʻtirgan oʻrta boʻyli, ozgʻingina, shinam kiyingan yigit unga notanish. — H. Gʻulom, Mashʼal

Bu zavq Duldulbekning goʻshtdor sholgʻom burnini ham chimchilab qoʻygandek shinam va goʻzal qilib koʻrsatardi. — Mirmuhsin, Soʻgal

3. Xush yoqadigan, yoqimli, maroqli.

Uning shinam ovozi goʻyo “Koʻcha bogʻi“ uchun, Koʻcha bogʻining maftunkor ohangi esa Gʻulomjon uchun yaratilgandek yangrar edi. — M. Ismoiliy, Fargʻona tong otguncha.

Yashil uvatlarda zavqli qoʻshiqlar, Shavqli hangamalar boʻlar koʻp shinam. — Gʻ. Gʻulom

ot Maxsus matodan tikiladigan, maxsus bichimdagi palto.

Shinel kiygan soldat. Militsionerlar shineli,

Mashinadagi jangchilarning yangi shinellaridan ularning uzoq front orqasidan kelishayotganini payqash qiyin emas edi. — A. Ubaydullayev, Qonli izdan

ot Tut, uzum kabi mevalar shirasini qaynatib tayyorlanadigan qiyom.

Doshlarda qaynagan shinnining hidi Dimogʻni shod etar, ruhni salomat. — Gʻ. Gʻulom

Shoyiboflar uzun supa ustiga solingan paloslarda oʻtirib, dasturxonga dasta-dasta qilib qoʻyilgan nonlarni ushatib, piyolalardagi shinnilarga botirib yer edilar. — M. Osim, Elchilar

Onam u yil kasalligi sababli tutdan shinni pishirolmay, bir qopcha quruq tut-mayiz qilib qoʻygan edi. — S. Ayniy, Esdaliklar

ot 1. Uzum boshining bir qancha donalardan iborat shoxchasi.

Bir shingil uzum.

Uzum uzsam uzumzordan bir shingil, Asalman der, shirinlikda daʼvosi. — S. Abdulla

Anvar oʻzidan nariroqqa tushgan bir shingil uzumni olib yedi va bir-ikki gʻujumini hamrohiga uzatdi: — Ma, Raʼno. — A. Qodiriy, Mehrobdan chayon

2. koʻchma kam qoʻll. Biror narsadan qism.

Bular — bugungi Eron xalqi hayotiga oid shingil misollar. — Gazetadan

Mamadali akaning urush yillarida qilgan katta ishlaridan shingillar eshitaylik. — R. Rahmonov, Mardlik — mangulik