Қидирув

от Шиддатли ҳолат, шиддатли ҳаракат.

от 1. Ҳаракатдаги нарсаларнинг, ҳодисаларнинг интенсив кучи, юқори куч ва суръат.

Шамол шиддати. Ёмғир шиддати пасайди. Шиддат билан ҳужум бошламоқ.

Терим шиддати зўрайгандан зўрайиб бормоқда. — Газетадан

Наби-жон қиз товушининг шиддатидан таажжубланиб унинг кўзларига қаради. — Ҳ. Ғулом, Замин юлдузлари

Шерназарбойнинг шиддати зўрайиб, қалъани баттарроқ тўпга туттирди. — Ж. Шарипов, Хоразм

Томларда, дарахтларда қор анча қалинлашган. Яна шиддат билан ёғишда давом этади. — Ойбек, Танланган асарлар

2. Зўр ғайрат, шижоат.

Кун ўтди, кун кетидан кун келди, лекин тоғ қазувчилар шиддати заррача ҳам бўшашмади. — М. Исмоилий, Фарғона тонг отгунча

Чу! — деб шиддат беради Ғиркўк тулпор отига. Ҳай аттанг, деб мард Ҳасан Шарт уради сонига. — Равшан

сфт. Шиддати бор, шиддатга эга бўлган, шиддат билан содир бўлган ёки бўладиган.

Шиддатли шамол. Шиддатли оқим.

Баталон шу куни кечгача душманнинг ўн уч мартаба қилган шиддатли атакасини қайтарди. — А. Қаҳҳор, Олтин юлдуз

Унинг чеҳрасида, юпқа лабларида алла-қандай бир қатъият бор, ҳаракатлари кес-кин, шиддатли эди. — О. Ёқубов, Излайман

сфт. айн. Шиддатли.

Шиддаткор оқим. Шиддаткор ҳужум.

Қариб қолган Шоҳ Малик шиддаткор ва айни пайт-да анча тадбиркор-у серғайрат бу ёш темурийзодани биларди. — Мирмуҳсин, Меъмор

Шафтолизорда саъванинг гоҳ фиғонли ноласи, гоҳ шиддаткор чақчақи тинмайди. — С. Аҳмад, Ойдин кечалар

рвш. Шиддаткорлик билан, шиддаткор тарзда.

фл. ком қўлл. Авжига минмоқ, кучаймоқ.

Гулнор бу ёт кишининг элликбоши эканини билгач, ғазаби шиддатланди. — Ойбек, Танланган асарлар