Поиск

ot 1. Biror zarba, oʻq, uchqun va shu kabilardan saqlanish uchun metalldan qilingan yoki biror qurolga oʻrnatilgan toʻsiq; himoya qalqoni.

Zambarak shchiti.

Ahmadjon pulemyotning qabzasini mahkam ushlagan holda, shchitning teshigidan dushmanni kuzatar, aftidan, sherigining soʻzini eshitmas edi. — A. Qahhor, Oltin yulduz

Egniga kombinezon kiyib, qoʻliga elektrosvarka shchitini ushlab turgan [Samad akaning] yuzi menga juda tanish edi. — S. Ahmad, Iqbol chiroqlari

2. tex. Gidrotexnika inshootlarida: toʻgʻonning suv oʻtkazadigan, surilib ochiladigan yoki yopiladigan temir darvozasi.

Energetika va avtomatika instituti xodimlari kanallardagi suv sathi va oʻtayotgan suv miqdorini, shchit va zatvorlarning holatini avtomatik aniqlovchi asboblar yaratdi. — Gazetadan

3. Namoyish qilish uchun biror eksponat oʻrnatilgan yoki surat solingan katta yupqa taxta.

Yosh ishchilar gazeta sahifasi tasvirlangan katta shchitni koʻtarib olishgan. — Gazetadan

4. maxs. Biror asbob yoki narsa oʻrnatilgan taxta.

Elektr schyotchigining shchiti. Ut oʻchiruvchi asboblar shchiti.

ot 1. Mehnat bilan shugʻullanuvchi, oʻz kuchi bilan hayot kechiruvchi shaxs; mehnatchi.

Shu yoʻsin ariq qazila boshlandi. Lekin ishchi koʻp, oziq-ovqat yoʻq edi. — A. Qodiriy, Mehrobdan chayon

Biz — ishchimiz, mehnatchimiz, Biz ham inson oʻgʻlimiz. — Hamza

2. Korxonalarda jismoniy mehnat qiluvchi (ishlovchi) shaxs; moddiy boylik yaratuvchi ijtimoiy guruh vakili.

Zavod ishchisi. Qurilish ishchisi. Temir yoʻl ishchisi.

Ishga qabul qilishda sinab koʻrish — ishchi yoki xizmatchining unga topshirilayotgan ishga muvofiqligini tekshirib koʻrishdir. — Gazetadan

Eʼzozli oʻquvchim (balki paxtakor, ehtimol, ishchisan, balki ziyoli). — A. Sher

ot Rahbarlik qiluvchi; boshliq. rahbar.

Ming qoʻshchiga bir boshchi. — Maqol

Yomonlarga boshchi boʻlguncha, Yaxshilarga qoʻshchi boʻl. — Maqol

Ilgari ham chorakorlarga boshchi edim. — N. Safarov, Olovli izlar

ot 1. Qoʻsh haydovchi kishi.

Yer haydashga chiqqan qoʻshchilarning kuylagan ovozlari eshitilib, meni oʻz tomoniga tortdi. — S. Ayniy, Esdaliklar

2. tar. Feodal-boylarga yollanib ishlovchi kambagʻal dehqon; qarol, chorakor, batrak.

Ming qoʻshchiga bir boshchi. — Maqol

Oʻzining yer haydash anjomlariga, hoʻkiz kabi ish hayvonlariga ega boʻlib, haqini kelishgan holda, zamindorlarning yerini haydaydiganlar qoʻshchilar deb nomlangan. — Fan va turmush

3. tar. Batrak, qarol, chorakor va kambagʻal dehqonlar manfaatini himoya qilish uchun tuzilgan, 1919-1930 yillarda faoliyat koʻrsatgan kasaba tashkiloti.

Stol yonida komissiya aʼzolari, qoʻshchi faollari oʻtirdilar. — A. Qahhor, Sarob

ot Qushchilik bilan shugʻullanuvchi kishi.

ot s. t. Izvosh haydovchi yoki uning egasi.

Yarim kechada eshik taqilladi. Chiqib ochdim, qari izvoshchi men bilan juda hazilkash. — Oybek, Tanlangan asarlar