Қидирув

от 1. мат. Фазодаги берилган нуқтадан (марказдан) муайян узоқликда жойлашган нуқталарнинг геометрик ўрни: ярим доиранинг ўз диаметри атрофида айланишидан ҳосил бўлган геометрик жисм.

Шарнинг сиртини ўлчаш. Шарнинг радиуслари.

2. Шундай шаклга эга бўлган нарса.

Уларнинг шакли ҳам қизиқ: бири тухумга, бири билярд шарига ўхшайди, баъзиси қайроқ тошдай узунчоқ ва силлиқ. — Ҳ. Назир, Сўнмас чақмоқлар

Аммо бўм-бўш коридорда тўсатдан Замира дуч келиб қолди. Кўз кўзга тушди-ю, электр шарлар чақин чаққандай бўлди. — П. Қодиров, Уч илдиз

3. Болалар ўйнаши учун ичига ҳаво ёки ҳавога нисбатан енгил газ тўлдирилган, думалоқ шаклдаги резинка пуфак.

Шар ёрилди.

Аввалги байрамлардагидек ҳавода ранг-баранг шарлар учиб юрмаяпти. — И. Раҳим, Чин муҳаббат

от Бўйинга ўраладиган ёки бошга, елкага ташлаб юриладиган, энига нисбатан узун мато.

от Бирор нарсанинг мазмуни, моҳиятини очиб бериш, тушунтириб бериш; изоҳлаш, изоҳ.

Шарҳлар билан чиқарилган Навоий асарлари.

Абдураҳмон кутилмаганда жонланиб кетди. Яъни Ақоиднинг шарҳига яхши тушунишга енг шимарди. — А. Қодирий, Меҳробдан чаён

от Шеърий ёки насрий сатирик, юмористик ҳамда тасвирий асарларда: бирор шахсга оид ҳажвий хусусиятлар устидан кулиш; шу усулда яратилган расм ёки тавсиф.

Театр артистлари Гогол персонажларини талқин қилишда, андак бўлса-да, шарж элементларига ёʻл қўймадилар. — Газетадан

от Ножўя хатти-ҳаракатдан ўзини тия олиш, уялиш ҳисси; ҳаё, уят, номус.

Шарм қилмоқ.

Ёки ўша ёқалашишда бирон ери лат еди-ю, шарм кучлилик қилиб индамадими? — Мирмуҳсин, Умид

Яхши аёлнинг бор шарм билан ҳаёси. — Гулхиромон

рвш. 1. Дунёнинг тўрт томонидан бири; ғарбга қарама-қарши бўлган томон, қуёш чиқадиган томон; кунчиқиш.

От кўчанинг шарқига юриб яна шимолга бурилиб, тор кўча бўйлаб узоқ кетди. — А. Қодирий, Ўтган кунлар

Уруш ғарбда, рота фронтдан уч-уч ярим минг километр берида, яна шарққа қараб кетаётибди! Аҳмаджон ўйлаб, ўйига ета олмас эди. — А. Қаҳҳор, Олтин юлдуз

2. катта) (Ш — Ғарбий Европага нисбатан шарқ томондаги мамлакатлар, ўлкалар.

Шарққа саёҳат. — Яқин. Шарқ, Узоқ Шарқ

[

Салимхўжа] Нусратилланинг иқбол-у истиқболи ҳақида кўп чиройли китобий сўзлар билан гапирар, янги Шарқнинг қудрати, мил-латнинг гули бўлади, деб мақтар эди. — А. Мухтор, Опа-сингиллар

Улар ҳозирги Шарқ тарихи китобини навбатма-навбат ўқиб ва

эшитиб ўтирганларида, Очилнинг кўз олдига дам-бадам эзилиб йиғлаётган Замира келар, бунинг учун у ўзини гуноҳкордай ҳис қиларди. — П. Қодиров, Уч илдиз