Қидирув

от 1. мат. Фазодаги берилган нуқтадан (марказдан) муайян узоқликда жойлашган нуқталарнинг геометрик ўрни: ярим доиранинг ўз диаметри атрофида айланишидан ҳосил бўлган геометрик жисм.

Шарнинг сиртини ўлчаш. Шарнинг радиуслари.

2. Шундай шаклга эга бўлган нарса.

Уларнинг шакли ҳам қизиқ: бири тухумга, бири билярд шарига ўхшайди, баъзиси қайроқ тошдай узунчоқ ва силлиқ. — Ҳ. Назир, Сўнмас чақмоқлар

Аммо бўм-бўш коридорда тўсатдан Замира дуч келиб қолди. Кўз кўзга тушди-ю, электр шарлар чақин чаққандай бўлди. — П. Қодиров, Уч илдиз

3. Болалар ўйнаши учун ичига ҳаво ёки ҳавога нисбатан енгил газ тўлдирилган, думалоқ шаклдаги резинка пуфак.

Шар ёрилди.

Аввалги байрамлардагидек ҳавода ранг-баранг шарлар учиб юрмаяпти. — И. Раҳим, Чин муҳаббат

от 1. эск. юқ. усл. Муқаддас, азиз; табаррук.

Қуръони шариф.

Бухоройи шарифда Абу Али ибн Сино деган бағоят улуғ табиб ўтган. — М. Исмоилий, Фарғона тонг отгунча

— Қайтиб келгандан кейин сизларнинг ёрдамингизда ҳазратимнинг мозори шарифларига бориб турамиз-да, — деди домла. — П. Турсун, Ўқитувчи

2. Шариф (эркаклар исми).

от Думалоқ шаклга эга бўлган кичикроқ нарса; соққа, соққача.

Подшипник шариклари. Билярд шариклари.

сфт. дин. Шариат ақидалари, қонун-қоидаларига мос келадиган; шариатга кўра қонуний.

Иссиқ уйинг, ҳалол боланг, шаръий эринг турганда, бировларга белингни қучоқлатиб элга бош-қош бўлгунча, ҳар нарса еганинг яхши! — С. Сиёев, Отлиқ аёл

Мен мавизни тамом шаръий қилиб тайёрлайман, тунов кун маҳалламизнинг охунлари ҳам ҳалоллигига фатво бериб кетдилар. — А. Қодирий, Ўтган кунлар

от дин. Ислом ҳуқуқ тизимида: мусулмонларнинг Қуръон асосида ишлаб чиқилган диний, жиноий ва фуқаролик қонун ва қоидалари мажмуи.

Шариат қоидалари.

Ярашадиган бўлсангиз, шариат ёʻл топиб беради. — А. Қаҳҳор, Қўшчинор чироқлари

Шариат ҳамма вақт адолатни ҳимоя қилади. — К. Яшин, Ҳамза

У Бухорода мадрасада ўқиб юрганда, шариат ва тариқат илмини яхши ўрганган, Қуронни ёд билар эди. — П. Қодиров, Юлдузли тунлар

сфт. Шариги бор, шарик асосида ишлайдиган.

Шарикли ручка.